Oqıǵa • 27 Aqpan, 2021

Túrkistan oblysynda bir otbasynyń bes múshesi ıis tıip qaıtys boldy

3124 ret kórsetildi

Túrkistan oblysyndaǵy  turǵyn úıde 5 adamnyń jansyz denesi tabyldy, onyń tórteýi kámeletke tolmaǵan. Bul týraly QR TJM resmı ókili Talǵat Ýálı málimdedi,dep habarlaıdy Egemen.kz

«2021 jylǵy 27 aqpanda saǵat 18:35-te Túrkistan oblysy TJD kezekshi-dıspetcherlik qyzmetiniń pýltine «103» qyzmetinen Túrkistan qalasyndaǵy jeke turǵyn úıde kórshileri 5 adamnyń, onyń ishinde 4 kámelettik jasqa tolmaǵan balanyń máıitin taýyp alǵany týraly habarlama tústi. Úı ishinde órt bolǵany baıqalmaıdy. Úıde tabıǵı gazben jylytý jabdyǵy ornatylǵan», dep naqtylady Talǵat Ýálı.

Qazirgi ýaqytta oqıǵanyń mán-jaıy anyqtalýda.

«TJD (6 qyzmetker, 2 birlik tehnıka), PD ( qyzmetker, 4 birlik tehnıka), jedel-járdem brıgadasy (3 maman, 1 birlik tehnıka), «KazTransGaz» AQ (3 maman, 1 birlik tehnıka) mamandary oqıǵa ornyna bardy. TJM gaz quraldaryn paıdalaný kezinde qarapaıym qaǵıdalardy saqtaýǵa shaqyrady», dedi resmı ókil.

 

Sońǵy jańalyqtar

Uqsas jańalyqtar