Oqıǵa • 27 Aqpan, 2021

Túrkistandaǵy oqıǵa: Arnaıy komıssııa quryldy

183 ret kórsetildi

Túrkistan qalasynda ıisten ýlanǵan otbasyǵa qatysty arnaıy komıssııa quryldy. Oblys ákimi О́mirzaq Shókeevtiń tapsyrmasymen atalǵan otbasyǵa materıaldyq kómek kórsetiletin boldy, dep habarlaıdy Egemen.kz

Búgin aımaq basshysy О́mirzaq Shókeev pen Polısııa Departamenti jáne TJD bastyǵy, Túrkistan qalasynyń ákimi oqıǵa ornyna bardy. Oblys ákimi oqıǵanyń tergeý barysyn jeke baqylaýyna alyp, qaza bolǵandardyń týystary men jaqyndaryna kóńil aıtty. Otbasyna materıaldyq kómek kórsetýdi tapsyrdy.

«Zardap shekken otbasyna qajetti psıhologııalyq jáne materıaldyq kómek kórsetiledi. Másele meniń jeke baqylaýymda. Men qaıtys bolǵan otbasynyń týystary men jaqyndaryna shyn júrekten kóńil aıtamyn», dedi О́mirzaq Shókeev.

Tótenshe jaǵdaı departamentine qalalar men aýdandardyń ákimdikterimen birlesip, barlyq jerde jylytý júıelerin tekserýdi jáne jylytý júıelerimen jumys isteý kezinde qaýipsizdik sharalaryn saqtaý boıynsha aqparattyq-túsindirý jumystaryn kúsheıtý tapsyryldy.Qaıǵyly oqıǵanyń mán-jaıyn anyqtaý úshin oblys ákiminiń birinshi orynbasary Arman Jetpisbaevtyń basshylyǵymen arnaıy komıssııa quryldy.

Belgili bolǵandaı kóz jumǵandar 1980 jylǵy anasy men 2004, 2006, 2013, 2016 jyly týǵan balalary eken. Barlyǵy ıis tıip qaıtys bolǵan degen boljam jasaldy.Al, otaǵasy oqıǵa bolǵan kezde emdelý maqsatynda Shymkent qalasynda bolǵany anyqtaldy.

Sońǵy jańalyqtar

Uqsas jańalyqtar