Ádebıet • 01 Naýryz, 2021

Abyz aqyndy Anadoly ulyqtady

42 ret kórsetildi

Ankara qalasynda «Uly dalanyń kórnekti tulǵalary: Abaı, Farabı jáne Jambyl» atty is-shara ótti. Jıyn belgili tulǵalardyń rýhanı murasy men týyndylaryn nasıhattaýǵa arnalǵan. Is-sharany Qazaqstan Respýblıkasynyń Túrkııa Respýblıkasyndaǵy elshiligi, Halyqaralyq Túrki akademııasy jáne Eýrazııa Jazýshylar odaǵy uıymdastyrdy.

Atalǵan basqosý «Adamzattyń ekinshi ustazy» atanǵan Ál-Fara­bıd­iń 1150 jyldyq jáne uly oıshyl Abaıdyń 175 jyldyq mereı­toıynyń qorytyndysy, jyr alyby Jambyldyń 175 jyl­­dyq mereıtoıynyń ashylýy ispetti ótti.

Is-sharada sóz sóılegen Qazaq­stannyń Túrkııadaǵy Tóten­she jáne ókiletti elshisi Abzal Saparbekuly 2020 Farabı jáne Abaı jyly aıasyn­da Túrkııada qyrýar sharýa atqa­ry­lyp: kó­she­le­rge, saıabaqtar men túrli mekemelerge dala danysh­pan­da­rynyń aty berilgenin, eskert­kish­teri ashyldy, kitaptary túrik tilinde jaryq kórgenin jet­kiz­­di. 2021 jyly Jambyldyń mu­ra­syn tanytý jyly ekenin aıtqan Elshi Jambyldyń shy­ǵar­ma­la­ryn qazaq halqynyń mádenı ensıklopedııasy jáne rýhanı qazynasy retinde sıpattady.

2021 jyldyń búkil Túrki álemi úshin mańyzdy mereıtoılar­dy atap ótetin jyl bolatynyn eske salǵan Saparbekuly eń áýe­li elimizdiń Táýelsizdiginiń 30 jyl­dyq mereıtoıynyń atalyp ótiletinin aıtty. Elshi Túr­kııa­nyń Qazaqstannyń táýelsiz­digin alǵash moıyndaǵan el bol­ǵanyn atap ótip, «Osyǵan baı­lanysty Túrkııada biz keń aýqym­dy is-sha­ralar ótkizýdi jos­par­lap otyr­­myz» dedi. Elshi táýel­siz­dik­tiń 30 jyldyǵymen qatar, Qa­zaqstan tarıhyndaǵy bir­qa­tar mańyzdy oqıǵanyń jyl­dyq­tary men belgili tulǵa­lardyń mereıtoılarynyń atalyp óte­ti­nin málimdedi.

Alqaly jıynda sóz sóıle­gen Ha­lyqaralyq Túrki Akade­mııa­synyń prezıdenti Darhan Qydyráli álemdik pan­demııaǵa qaramastan, Abaı mereı­toıynyń Túrkııada óte aýqymdy toıla­nýy­nyń túrik halqynyń Qazaqstanǵa degen yqylasynyń kórsetkishi eke­nin jetkizdi.

«Farabı, Iýnýs Emire, Abaı jáne Jambyl – bizdiń ortaq qun­dylyqtarymyz», degen Túrki akademııasynyń basshysy osy tuǵyrly tulǵalar arqyly tamyrlas Túrki áleminiń yntymaǵy artyp kele jatqanyna nazar aýdar­­dy.

2020 jyldyń Abaı, ál-Farabı jáne abyz Tonykók jyly retinde atap ótilgenin aıtyp ótken D.Qydyráli osy oraıda Jambyldyń baǵzy túrkiden tamyr tartqan, Tonykók, Iollyǵ –teginnen bastaý alatyn jyraý­lyq dástúrdiń saryn-sarqyty ekenin eske saldy.

Eýrazııa Jazýshylar odaǵy­nyń Tóraǵasy Iаkýp О́meroǵlý Abaı, Farabı jáne Jam­bylǵa arnalǵan is-sharamen oraı­lasyp Ankarada Bilge Tony­kók eskertkishiniń ashylýyn jaq­sy­­lyq­qa jorydy.

Is­-sharada sóz sóılegen TÚRKSOI Bas hatshysy Dúısen Qaseıinov Abaı, Farabı jáne Jambyl qazaqtar úshin ǵana emes, búkil Túrki álemi úshin mańyzdy qaıratkerler sanalatynyna toq­tal­dy. Farabıdiń Mýzyka týra­ly kitabynyń arab tilinen túrik ti­line aýdarylyp jatqanyn aıt­qan Qaseıinov shyǵarmanyń ja­­qynda oqyrmandarǵa jol tar­ta­tynyn jetkizdi.

Quttyqtaý sózderden keıin Myrzataı Joldasbekovtiń «Dala ádebıetiniń uly aqyny Jambyl» atty kitabynyń túrik ti­li­ne aýdarylǵan nusqasynyń tusaýkeseri boldy.

Osydan keıin, 2020 jyly Abaı men Farabıdiń Túrkııada tanylýyna úles qosqan ǵalymdar, jýrnalıstter men memlekettik qaırat­kerler Qazaqstan Prezı­den­tiniń, Halyqaralyq Túrki aka­demııasynyń, Qazaqs­tan Má­de­nıet jáne sport mınıstr­li­gi­niń jáne Qazaqstan elshi­liginiń alǵys hattary jáne medaldary­men marapattaldy.

Atap aıtqanda, «Ulttyq kóz­qaras» jýrnalynyń bas redaktory, Túrkııa Parlamenti depýtaty Metın Gúndoǵdýǵa, TRT Avaz arnasynyń úılestirýshisi Sedat Saǵyrkaıaǵa jáne Pamýkkale ýnı­­versıtetiniń professory Nergız Bıraıǵa Qazaqstan Res­pýb­­lıka­sy­nyń Prezıdenti Qasym-Jomart Toqaevtyń alǵys haty ta­bys­taldy.

 

Sońǵy jańalyqtar

Jambyl jastary Elbasy úndeýin qoldaıdy

Aımaqtar • Búgin, 09:07

Sportty serik etken

Sport • Búgin, 09:02

Sóresinde – san kitap

Ádebıet • Búgin, 09:00

Juldyzdy sátter jylnamasy

Elbasy • Búgin, 08:55

Damý dınamıkasynda oń serpin baıqalady

Ekonomıka • Búgin, 08:53

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar