Aımaqtar • 01 Naýryz, 2021

Kópbalaly ana belgisiz kásipkerge alǵys aıtady

29 ret kórsetildi

Birer aı buryn «Egemenniń» Almaty oblysyndaǵy tilshiler qosynyna Kóksý aýdany, Balpyq bı kentiniń turǵyny, kóp balaly ana Gúlzıra Soltanǵazıeva habarlasqan edi. Biz oqyrmannyń ótinishine Alǵys aıtý kúnine oraı qaıta oralýdy uıǵardyq. О́ıtkeni, otaǵasymen birge 8 bala týyp, tárbıelep otyrǵan Gúlzıra gazet arqyly qaıyrymdylyq jasaǵan belgisiz kásipkerge óziniń júrekjardy alǵysyn jetkizgisi keledi eken.

- Bul qýanyshty oqıǵa 2019 jyly boldy. Otbasymyzǵa Balpyq bı kentinen keń úı buıyrdy. Biz oǵan deıin páter jaldap kelgenbiz. Úı máselesinen aýdan ákimdigi habardar bolatyn. Kóp balaly áýlet retinde qamqorlyq pen kómekten qur qalmasaq ta, baspanaǵa qol jetkizý arman edi. Osy jyly elimizde kóp balaly otbasylardyń jaǵdaıy jıi sóz bolyp, bılik te, qaltaly azamattar da kómek qolyn soza bastady. Bir kúni aýdan ákimdiginen habarlasyp, jaqynda baspanaly bolatynmyzdy aıtty. Qýanyshymyz qoınymyzǵa syımaı, ýádeli kúndi kúttik. Mereıli sát kelgende bizdi azamattar Balpyq bı aýylynyń Qazybek bı kóshesine alyp kelip, «Myna úı endi sizderdiki...» dedi. Kishigirim shara jasady. Áýeli bulaı jyldam bolaryna senbeı, bir kúlip, bir jylap júrmiz. Úı 5 bólmeli, aýlasy keń, jemis baǵy men baqshasy da bar eken. Ákimdik ókilderi osy keń saraıdaı úıdi bizge satyp alyp bergen jeke kásipker ekenin jáne ol kisi óziniń aty-jónin qupııa qaldyrýdy ótingenin aıtqanda kóz jasyma erik berdim. О́mirde qanshama qaıyrymdy jandardyń baryn bilsem de, dál mundaı jomarttyqty kútpegen edik. Qazir 8 balamyzben sol bir qaıyrymdy jan syılaǵan úıde turyp jatyrmyz. «Oń qolyńnyń bergenin, sol qolyń kórmesin» degen sóz bar ǵoı, bizdiń qamqorshymyz osyny berik ustanatyn parasatty adam bolsa kerek. Biz ol kisiniń jaqsylyǵyn umytpaımyz, únemi duǵa-tilegimizge qosyp otyramyz. Aty-jónin anyqtaýǵa da áreket etpedáik. О́ıtkeni, qaıyrymdy jan muny qalamasa kerek. Al bıyl, araǵa birer jyl salyp sizderdiń gazet arqyly oıymdy jurshylyqpen bóliskim keldi. Jer betinde jaqy adamddardyń bar ekenin, olar qıyn kezde kómek qolyn sozatynyna senemiz. Sondaı júregi keń azamattradyń bárine myń alǵys - deıdi kóp balaly ana Gúlzıra Soltanǵazıeva.

Jalpy, Almaty oblysynda muqtaj jandardy, onyń ishinde kóp balaly áýletterdi turǵyn úımen qamtý máselesi kún tártibinen túsken emes. Bul izigi baǵyttaǵy iske kásipkerler de úlken úles qosyp keledi.  Mysaly, byltyr 1258 kópbaaly otbasy baspanaly bolsa, onyń ishindegi 180 úıdi aımaqtaǵy mesanattar syıǵa tartqan eken. Al bul ıgi dástúr bizdiń keıipkerimiz turatyn Kóksý aýdanynda bıyl da jalǵasypty.  

- Karantın kezinde  aýdanda turatyn muqtaj adamdarǵa 12 mln teńgeden astam somaǵa qaıyrymdylyq kómegi kórsetildi. Munyń ishinde kóp balaly otbasylar da bar. Aýdan boıynsha  olardyń sany – 1103. Bul áýletterdiń jaǵdaıy bizdiń nazarymyzdan tys qalǵan emes. Baspanasyzdardy úı kezegine qoıý men demeýshilerdiń kómeginmen úıli bolý qol jetkizýine yqpal jasaı beremiz. Jaqynda memlekettik baǵdarlama arqyly Muqanshy aýylyndaǵy kópbalaly otbasy baspanaly boldy. Munan bólek, osy qys merziminde aýdanda demeýshilerdiń qarjysyna 41 az qamtylǵan otbasyǵa jalpy somasy 500 myń teńgege azyq-túlik berilip, 40 otbasyǵa 550 myń teńgege otyn túsirildi, - deıdi aýdan ákimi Almas Ádil.

Aıtpaqshy, muqtaj jandarǵa kómek, onyń ishinde qysqy maýsymǵa daıyndyq barysy boıynsha oblystyń barlyq óńirinde qaıyrymdylyq sharasy belsendi túrde júripti. Bul sharaǵa bıýdjetten 46 mln teńge jumsalsa, demeýshiler birigip  272,4 mln teńge jınaǵan. Nátıjesinde Jetisýda bir aıda 18 myńnan astam adamǵa naqty kómek kórsetilgen eken.

 

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar