Parlament • 01 Naýryz, 2021

Senatorlar advokattyq qyzmet jáne zań kómegi máseleleri boıynsha zań jobasyn qaraıdy

15 ret kórsetildi

Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 2021 jylǵy 4 naýryzda ótetin Senat otyrysynyń kún tártibin talqylady.

Bıýro otyrysyn ashqan Senat Tóraǵasy Memleket basshysynyń Ulttyq qoǵamdyq senim keńesiniń otyrysynda aıtqan zań shyǵarý bastamalaryna toqtalyp, olardyń mańyzdylyǵyna nazar aýdardy.

«Memleket basshysy Ulttyq qoǵamdyq senim keńesiniń kezekti otyrysynda qoǵamdy alańdatyp otyrǵan birqatar ózekti máselelerge toqtaldy. Atap aıtqanda, jer máselesine núkte qoıyldy. Qaralǵan barlyq másele boıynsha tıisti tapsyrmalar berildi. Osyǵan oraı qabyldanǵan sheshimderdi zańnamalyq turǵydan ýaqtyly ári sapaly qamtamasyz etý – bizdiń basty mindetimiz. Osy baǵyttarda Úkimetpen jáne Májilispen birlesip, belsendi jumys júrgizýimi qajet», – dedi Máýlen Áshimbaev.

Aldaǵy Palata otyrysynda senatorlar «Qazaqstan Respýblıkasy Joǵarǵy Sotynyń sýdıalaryn qyzmetten bosatý týraly» Qazaqstan Respýblıkasy Prezıdetiniń usynýyn qaraıdy.

Sondaı-aq, «Qazaqstan Respýblıkasynyń keıbir zańnamalyq aktilerine advokattyq qyzmet jáne zań kómegi máseleleri boıynsha ózgerister men tolyqtyrýlar engizý týraly» zań jobasy birinshi oqylymda qaralady.

Bul qujat advokattardyń prosessýaldyq quziretin keńeıtýdi kózdeıdi. Soǵan sáıkes olar málimetterdi, qujattardy, sondaı-aq, sapaly zań kómegin kórsetýge jáne qorǵaýǵa qajetti zattardy talap etýge quqyly bolady. Sonymen qatar sottalǵandar memleket tarapynan kepildendirilgen quqyqtyq kómekti keńes, anyqtama, quqyqtyq sıpattaǵy qujattardy daıyndaý kúıinde alýǵa múmkindik týady.

Odan bólek, Palata otyrysynda Senat depýtattary «Qazaqstan Respýblıkasynyń keıbir zańnamalyq aktilerine ónerkásiptik qaýipsizdik, ındýstrııalyq aımaqtar, janýarlar dúnıesi, erekshe qorǵalatyn tabıǵı aýmaqtar, energetıka, tabıǵı monopolııalar jáne ishki ister organdary qyzmetkerlerine turǵyn úı tólemderi máseleleri boıynsha ózgerister men tolyqtyrýlar engizý týraly» zań jobasyn talqylaıdy.

Atalǵan zań jobasy qoldanystaǵy ónerkásiptik qaýipsizdikti qamtamasyz etý júıesiniń tıimdiligin arttyrýǵa jol ashady. Osy qujatqa sáıkes kásibı apattyq-qutqarý qyzmetin attestasııalaý mindetti bolady jáne qaýipti ónerkásip nysandarynyń jaǵdaıyn óndiristik baqylaý kúsheıtiledi.

Budan basqa, polısııa qyzmetkerleriniń belgili bir kategorııasyn baspanamen qamtýdyń jańa júıesi qolǵa alynady. Buǵan deıin memleket olardyń baspanany jalǵa alý qunyn ótep kelse, endi tólemder qazirgi ıpotekalyq baǵdarlamalar aıasynda úıdi satyp alý quqyǵymen júrgiziledi.

Senat otyrysynyń kún tártibine «Eýrazııalyq ekonomıkalyq odaq sheńberinde aýyl sharýashylyǵy janýarlarymen seleksııalyq-asyl tuqymdyq jumys júrgizýdi birizdendirýge baǵyttalǵan sharalar týraly kelisimdi ratıfıkasııalaý týraly» zań jobasy da shyǵaryldy.

Bul Kelisim EAEO elderi arasynda asyl tuqymdy mal sharýashylyǵynyń jalpy naryǵyn damytady jáne ózara saýda-sattyqtaǵy kedergilerdi joıady. Munyń bári otandyq asyl-tuqymdy mal sharýashylyǵy ónimderiniń básekege qabiletti bolýyn qamtamasyz etedi.

Sondaı-aq, senatorlar aldaǵy otyrysta «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qaraıdy.

Bıýro otyrysynda Májilisten kelip túsken zań jobalary turaqty Komıtetterge bólinip berildi.

 

 

Sońǵy jańalyqtar

«Qyzyl» aımaqta bir ǵana óńir qaldy

Koronavırýs • Búgin, 09:52

Qazaqstanda qansha adam vaksına saldyrdy

Koronavırýs • Búgin, 09:50

Kógershinder kórmesi

Aımaqtar • Búgin, 09:44

Mindetti qarsylas atandy

Boks • Búgin, 09:42

Táýelsizdik taspasy taratylady

Táýelsizdiktiń 30 jyldyǵy • Búgin, 09:40

QPL-diń qymbat fýtbolshylary

Fýtbol • Búgin, 09:38

Elbasy ónegesi – Túrkistan tórinde

Aımaqtar • Búgin, 09:37

Arda azamattyń esimi el esinde

Qazaqstan • Búgin, 09:29

Qozybaev kabıneti ashyldy

Qazaqstan • Búgin, 09:28

«Boksshy» fılmin tamashalady

Kıno • Búgin, 09:25

«Qyzyl aımaqtan» qutyla almaı turmyz

Koronavırýs • Búgin, 09:23

Eldi aman alyp qalatyn ekpe ǵana

Koronavırýs • Búgin, 09:21

Epıdahýal turaqtalyp keledi

Koronavırýs • Búgin, 09:19

228 eldi mekenge aýyz sý keledi

Aýyl • Búgin, 09:16

Jambyl jastary Elbasy úndeýin qoldaıdy

Aımaqtar • Búgin, 09:07

Sportty serik etken

Sport • Búgin, 09:02

Sóresinde – san kitap

Ádebıet • Búgin, 09:00

Juldyzdy sátter jylnamasy

Elbasy • Búgin, 08:55

Damý dınamıkasynda oń serpin baıqalady

Ekonomıka • Búgin, 08:53

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Uqsas jańalyqtar