Qazaqstan • 01 Naýryz, 2021

Qýatty qurylymnyń shýaqty merekesi

48 ret kórsetildi

1 naýryz búkil álemde Dúnıejúzilik Azamattyq qorǵanys kúni retinde keńinen atalyp ótiledi. Bizdiń elimizde de bul kún tarıhı mereke, óıtkeni Azamattyq qorǵanys salasyn qamtamasyz etetin Qazaqstannyń Tótenshe jaǵdaılar qurylymy el ómirinde úlken mánge ıe.

Bul mereke bar qajyr-qaıratyn halyqty túrli qaýip-qaterden qorǵaýǵa jumyldyratyn qutqarýshylarǵa qurmet retinde saltanat qurady.  1990 jyly 18 jeltoqsanda ótken Halyqaralyq Azamattyq qorǵanys uıymy Bas Assambleıasynyń 9 sessııasynda  kóktemniń alǵashqy kúnin Dúnıejúzilik Azamattyq qorǵanys kúni retinde atap ótý týraly sheshim qabyldanǵan bolatyn. Sol jyly halyqaralyq uıymnyń jarǵysyn 18 memleket qoldady. Araǵa jeti jyl salyp, Prezıdent Jarlyǵymen «Dúnıejúzilik Azamattyq qorǵanys uıymynyń Jarǵysyna Qazaqstan Respýblıkasyn qosý týraly»  jańa Zań qoldanysqa endi. Qazirgi tańda bul uıymǵa 50-den astam memleket múshe. Atalǵan zań aıasynda Qazaqstan tótenshe jaǵdaılar salasynda ózge memlekettermen halyqaralyq yntymaqtastyqqa qol jetkizdi. Dástúrge aınalǵan bul mereke jyl saıyn túrli uranmen ótedi. Bıylǵy mereke «Qýatty Azamattyq qorǵanys ulttyq ekonomıkany saqtaý úshin!» uranymen bastaý alyp otyr.

Osynaý dara turar data elimizde qaıta qurylǵan Tótenshe jaǵdaılar mınıstrliginiń quramyna ótken  B. Momyshuly atyndaǵy 28237 áskerı bólimi úshin de erekshe kún. О́ıtkeni qalyń eldi aıtyp kelmeıtin apattan, tabıǵattyń tosyn minezinen, tabıǵı jáne tehnogendik sıpattaǵy tótenshe jaǵdaılardan arashalaıtyn áskerı bólimniń memlekettik kúshtik qurylymdar qatarynda ózindik orny, ózine tán  derbes tarıhy bar.  Qurylǵan kúnnen bastap bederli jyldar belesinde bólim jeke quramy erlikter men batyrlyq úlgilerine toly dańqty jaýyngerlik joldan ótti. Túrli apattar men tabıǵı jáne tehnogendik sıpattaǵy tótenshe jaǵdaılardy joıýmen qatar qutqarý jumystaryn júrgizý boıynsha respýblıka  óńirlerinde qyrýar jumystar atqardy, sonymen qatar el kólemindegi jáne TMD elderi arasynda ótken birlesken oqý-jattyǵýlarǵa qatysty. Júzden asa áskerı qyzmetshiler atqarǵan qyzmetterine adaldyǵy úshin túrli orden-medaldarmen marapattaldy.

Búginde El Prezıdenti Qasym-Jomart Toqaevtyń sheshimimen qaıta qurylǵan Tótenshe jaǵdaılar mınıstrliginiń quramyna kirgen áskerı bólim Azamattyq qorǵanys salasynda ózderine júktelgen mindetterdi minsiz, ári tabandylyqpen atqaryp keledi. Áskerı salanyń aınasyna aınalǵan qurylymnyń qýaty arta bergeı!

 ALMATY

 

 

Sońǵy jańalyqtar

Nar tulǵa

Rýhanııat • Keshe

Ekpe saldyrý ózekti

Medısına • Keshe

Sheteldik basylymnan

Álem • Keshe

Aq úıdiń alǵashqy meımany

Álem • 17 Sáýir, 2021

Poıyz avtokólikti soqty

Oqıǵa • 17 Sáýir, 2021

Petropavlda tilsiz jaý der kezinde quryqtaldy

Aımaqtar • 17 Sáýir, 2021

ShQO-da mal urylary ustaldy

Aımaqtar • 17 Sáýir, 2021

Bir táýlikte 2822 adamnan koronavırýs anyqtaldy

Koronavırýs • 17 Sáýir, 2021

Uqsas jańalyqtar