Osy jyldyń 5-shi aqpanynda Qazaqstan Respýblıkasynyń Prezıdenti Qasym-Jomart Toqaev «Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2021 jyldyń naýryz – shildesinde jáne qyrkúıek – jeltoqsanynda merzimdi áskerı qyzmetke kezekti shaqyrý týraly» Jarlyqqa qol qoıdy.
Koronavırýs ınfeksııasynyń taralý qaýpine baılanysty aldyn alý sharalary qabyldandy. Osy rette áskerge shaqyrylýshylardan eki ret, ıaǵnı, áskerge shaqyrý kezinde jáne áskerı bólimderge kelgen kezde jınaý pýnktterinde PTR-taldama alynady. Jańa shaqyrylýshylarǵa ekpe júrgizý qyzmet ótkerý oryndarynda uıymdastyrylady.
Bıyl áskerge shaqyrý barysynda azamattardy habardar etýdiń jańa tásili qoldanylatyn bolady. Pandemııa jaǵdaıynda qarym-qatynasty azaıtý úshin sıfrlyq damý jáne aeroǵarysh ónerkásibi mınıstrliginiń 1414 servıs qyzmeti pılottyq rejımde SMS-habarlamalar jiberedi.
Barlyq áskerge shaqyrý jumystary keńes berý múmkindikterin jetkizý arqyly barynsha ashyq túrde uıymdastyryldy. Osy maqsatta jergilikti áskerı basqarý organdary áleýmettik jelilerde poshta jáshikteri men resmı akkaýnttar qurdy.
Áskerı qyzmetke shaqyrý tártibi jóninde bilý úshin Qorǵanys mınıstrliginiń sall-ortalyǵyna 8 (7172) 72 10 83, 72 16 06, 72 13 89; 72 13 82 telefondary arqyly habarlasýǵa bolady.
