Qazaqstan • 01 Naýryz, 2021

О́mirbek Joldasbekovtyń 90 jyldyq mereıtoıy toılandy

69 ret kórsetildi

Ál-Farabı atyndaǵy Qazaq Ulttyq ýnıversıteti oqý orny tarıhynda eleýli iz qaldyrǵan, qazirgi QazUÝ qalashyǵyn salýǵa tikeleı yqpal etken azamat, tehnıka ǵylymdarynyń doktory, professor О́mirbek Joldasbekovtyń 90 jyldyq mereıtoıyn atap ótip jatyr.

Alǵys aıtý merekesimen tuspa-tus kelgen aıtýly shara stýdentter saraıy aldyndaǵy Joldasbekov eskertkishine gúl shoqtaryn qoıyp, taǵzym etýmen bastaldy.

– Ol eldegi joǵary bilimniń damýyna úlken eńbek sińirdi. Stýdentter daıarlanatyn ǵylymı baǵyt pen mamandyqtar onyń atymen tikeleı baılanysty. Onyń basshylyǵymen laboratorııa, kafedra, ǵylymı ortalyqtar jáne Qazaqstan ulttyq ınjenerlik akademııasy quryldy. Tikeleı basshylyq etýimen elimizdegi stýdenttik shaqtyń sımvolyna, ǵylym men bilimniń aınymas belgisine aınalǵan QazUÝ qalashyǵy boı kóterdi, – dedi quttyqtaý sózinde ýnıversıtet rektory Janseıit Túımebaev.  

Mereıtoı ári qaraı arnaıy jıyn arqyly jalǵasyn tapty. Jıyndy ashqan ýnıversıtet rektory 90 jyldyqtyń táýelsizdiktiń 30 jyldyǵymen, elimizdegi alǵys aıtý kúnimen qatar kelgenin de jaqsy yrymǵa balaıtynyn aıtty. Senator Baqytjan Jumaǵulov mereıtoı ıesiniń ǵylymǵa jasaǵan qamqorlyǵyna basa nazar aýdardy.

– Kezinde ǵylymnyń barlyǵy Ulttyq ǵylym akademııasynda oryndalatyn. Al JOO-lar tek oqytýmen aınalysty. Ol kisi kele sala myqty jastardy tańdap, Máskeý, Kıev, Sankt-Peterbýrg qalalaryna jiberip, tárbıeleýge kiristi. Ár salanyń ǵylymyn kóterýge bar kúshin saldy. Batys Eýropada, AQSh-ta ǵylymnyń bári ýnıversıtette damıdy. О́mirbek Aryslanuly sol úrdisti bizge alyp keldi. Qazir mınıstrlik te ýnıversıtet qabyrǵasynda ǵylymdy órkendetýge qatysty jumystar júrgizip jatyr. Bul da sol kezde-aq salyp ketken О́mirbek aǵamyzdyń joly dep oılaımyn, – dedi Baqytjan Jumaǵulov.

Ulttyq ǵylym akademııasynyń prezıdenti Murat Jurynov kórnekti ǵalymnyń shákirti bolǵanyn maqtana baıandap, onyń tulǵasyna toqtaldy.

– Talapker kezimde ol kisiniń aldynda emtıhan tapsyrǵanmyn. Keıin 1-kýrsta bizge joǵary matematıkadan dáris oqydy. О́mekeńdi stýdentter óte jaqsy kóretin. О́ıtkeni ol stýdentterge árkez jyly kózqaraspen qaraıdy. Járdem suraǵan shákirtine aıanbaı kómegin beredi. Qarapaıymdylyǵy da ony jaqyndatyp turatyn. Keıin Máskeýde aspırantýrany bitirip kelgennen keıin ol kisiniń qabyldaýyna kirip, kezinde aldynda emtıhan tapsyrǵanymdy, shákirti bolǵanymdy aıtyp, alǵysymdy jetkizdim. Sonshalyqty tyǵyz qarym-qatynasta bolǵan joqpyz. Men Shymkent, Qaraǵandy qalalarynda jumys istedim. Ol kisi Almatyda. Biraq qaıda júrsek te ol kisiden bilim alǵanymyzdy maqtanysh ettik, – deıdi ǵalym.

Sondaı-aq jıyn barysynda rektor elimizdiń JOO-lary arasynda ótkiziletin robototehnıkadan «ROBOKON-2021» chempıonatynda baq synaıtyn mehanıka kafedrasyndaǵy «MECHANICS» komandasyna О́mirbek Joldasbekovtyń 90 jyldyq mereıtoıyna oraı arnaýly stıpendııa taǵaıyndalǵanyn da jarııalady. Stıpendııa ıelerin quttyqtap, olardyń eńbekterine jemis tiledi. 

О́mirbek Joldasbekov 1931 jyly qazirgi Túrkistan oblysynda ómirge kelgen. Sanaly ǵumyryn ǵylym men bilimniń órken jaıýyna arnaǵan jan 1970-1986 jyldary QazUÝ rektory bolyp qyzmet etti.  

 

 

 

Sońǵy jańalyqtar

«Ertis ormany» rezervatynda órt shyqty

Aımaqtar • Búgin, 21:30

Tarıhı jeńiske qol jetkizdi

Tennıs • Búgin, 20:12

Nar tulǵa

Rýhanııat • Búgin, 20:10

Ekpe saldyrý ózekti

Medısına • Búgin, 20:07

Sheteldik basylymnan

Álem • Búgin, 20:02

Arýlarymyz alty júlde aldy

Sport • Búgin, 19:55

Qazaqstanǵa agrobank qajet pe?

Qazaqstan • Búgin, 19:51

Aıtyldy-oryndaldy: Jeti JOO jabyldy

Prezıdent • Búgin, 18:31

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

Uqsas jańalyqtar