Aımaqtar • 01 Naýryz, 2021

Qyzylorda oblysynda karantın sharalary jeńildetildi

60 ret kórsetildi

Qyzylorda oblysynda karantın sharalary jeńildetildi. As berý jáne sport sharalaryn ótkizýge ruqsat berildi. Onda 50 adamnan artyq bolmaýy tıis.

Sondaı-aq, bılıard klýby men balalardyń oıyn-saýyq ortalyqtarynyń jumys isteýine ruqsat etildi.

«Búginnen bastap 1-5, halyqaralyq mektepterde 1-7 synyp oqýshylary aralas oqý formatynda oqıdy. Naqtyraq aıtqanda, pánderdi 70 paıyz dástúrli, 30 paıyz qashyqtan oqıdy. Al, bala sany 300-den aspaıtyn qala jáne aýyl mektepterindegi barlyq synyp oqýshylary mektepke baryp oqıdy. Sondaı-aq, 9, 11 synyptyń oqýshylary áleýmettik ara-qashyqtyq saqtaı otyryp oqýdy aralas túrde oqýda», dedi oblystyq sanıtarııalyq-epıdemıologııalyq baqylaý departamenti basshysynyń mindetin atqarýshy Álııa Ábdiqaıymova.

Oǵan qosa bilim berý mekemesi ákimshiliginiń sheshimi boıynsha sabaqtan tys ýaqytta 5 adamnan aspaıtyn toptarda oqýshylardy jeke oqytýǵa ruqsat bar. Aıta ketetin jaıt, shekteýler jeńildegenimen bosansýǵa bolmaıdy. Oblysta merekelik korporatıvterdi uıymdastyrý men ótkizýge, býkmekerlik keńselerdiń qyzmetine tyıym salý jalǵasady.

Eske sala ketelik, Qyzylordada 440 adam koronavırýsqa qarsy ekinshi márte vaksına saldyrdy.



Sońǵy jańalyqtar

Uqsas jańalyqtar