Medısına • 01 Naýryz, 2021

2020 jyly MÁMS aıasynda qansha kúrdeli operasııa jasaldy?

19 ret kórsetildi

«Áleýmettik medısınalyq saqtandyrý qorynyń» basqarma tóraǵasy Bolat Tókejanovtyń aıtýynsha, taǵy qosymsha 100 mlrd teńge qarjy 67 mln konsýltatıvtik jáne dıagnostıkalyq qyzmetti qarjylandyrǵan.

Onyń ishinde dıagnostıkalyq zertteý, stomatologııalyq qyzmet, prosedýra men manıpýlıasııa, joǵary tehnologııaly zertteý, KT jáne MRT qyzmetteri bar.

Mindetti saqtandyrý engizilgeli beri ambýlatorııalyq deńgeıde dári alý qoljetimdiligi de artqan. Buryn pasıentter 45 dert boıynsha preparattar ala alatyn bolsa, qazir 138 aýrýǵa baılanysty dári-dármekpen qamtamasyz etiledi eken. Byltyr qor aktıvi esebinen elimizdiń stasıonarlarynda josparly túrde 1 mıllıonan astam pasıent em qabyldapty. Buǵan 170 mlrd teńge jumsalǵan.

Taǵy bir qyzyq derek – byltyr árbir tórtinshi júkti áıel medısınalyq saqtandyrý qarajaty esebinen bosanǵan. Jalpy 37 mlrd teńge somaǵa 346 myń bosandyrý qyzmeti atqarylypty.

Sonymen qatar jalpy quny 41,6 mlrd teńge bolatyn 9,3 myń operasııa mindetti áleýmettik medısınalyq saqtandyrý jobasy aıasynda júzege asypty. Onyń ishinde 3,2 myń naýqasqa kardıohırýrgııalyq operasııa jasalsa, 1,5 myń adamǵa neırohırýrgııalyq operasııa (neıronavıgasııalyq júıe qoldanylǵan), 504 pasıentke ortopedııalyq operasııa jasalǵan.

Tókejanov MÁMS engizilgeli beri kúndizgi stasıonarlarda 25 myń, táýlik boıǵy stasıonarlarda 132 myń adamnyń medısınalyq ońaltýdan ótkenin aıtady. Jalpy, ambýlatorııalyq-polıklınıkalyq deńgeıde halyqqa 2,8 mln ońaltý qyzmeti kórsetilgen.

 

Uqsas jańalyqtar