Medısına • 01 Naýryz, 2021

Bıyl medısınalyq saqtandyrýǵa qansha qarjy bólinedi?

188 ret kórsetildi

2021 jyly eldegi tegin medısınalyq kómektiń kepildik berilgen kólemi jáne mindetti áleýmettik medısınalyq saqtandyrý boıynsha medısınalyq kómekke 1,8 trln teńge bólinbek.

Áleýmettik medısınalyq saqtandyrý qorynyń Tóraǵasy Bolat Tókejanov densaýlyq saqtaý mınıstrliginiń alqa otyrysynda medısınalyq saqtandyrý qorynyń 2021 jylǵa jasaǵan josparlarymen bólisti. Bıyl qor ambýlatorııalyq-polıklınıkalyq jáne stasıonardy almastyratyn járdemge qoljetimdilikti arttyrý, aýyldyq densaýlyq saqtaýǵa qoldaý kórsetý, dıstansııalyq medısınany, skrınıngtik baǵdarlamalardy, medbıke isin, patronajdyq qyzmetti damytýdy qolǵa almaq. Bul bastamalardyń bárine qarjy qarastyrylǵan. Halyqqa medısınalyq járdem kórsetýge 1,8 trln teńge bólinip otyr, onyń ishinde TMKKK boıynsha qyzmetterge – 1,1 trln teńge, MÁMS – 0,7 trln teńge.

– Medısınalyq saqtandyrý júıesin iske asyrýdyń birinshi jyly barlyǵymyz úshin úlken synaqqa – koronavırýs pandemııasyna tap boldy. Degenmen, fors-majorlyq jaǵdaılarǵa qaramastan, MÁMS iske asyrýdyń birinshi jylynyń qorytyndylary medısınalyq saqtandyrý júıesiniń iske qosylǵanyn, osy tótenshe kezeńde densaýlyq saqtaý salasy úshin qarjylyq «qaýipsizdik jastyǵyn» qurǵanyn jáne eń bastysy, medısınalyq kómek kólemin arttyrý úshin jaǵdaı jasaǵanyn kórsetti. Epıdemıologııalyq ahýaldy turaqtandyrýdy eskere otyryp, qor bıyl belgilengen josparlar men jańa bastamalardy júzege asyrýǵa nıetti, – dedi Tókejanov.

Qor balalarǵa medısınalyq qyzmet kórsetý boıynsha da qarjylandyrýdy júzege asyrmaq. «Ańsaǵan sábı» baǵdarlamasy boıynsha joǵary tehnologııaly medısınalyq járdemdi qarjylandyrý 7 ese kóbeıtý josparda bar. Sonyń arqasynda 7 myń erli-zaıypty ata-ana ataný múmkindigine ıe bolmaq.

«Qamqorlyq» baǵdarlamasy negizinde erekshe kútimdi qajet etetin balalardy medısınalyq ońaltý isine de qarjy beriledi.

Neonataldyq skrınıngter júrgizý men sábılerdiń psıhofızıkalyq damýyn baǵalaýǵa, sondaı-aq mekteptegi medısınany damytýǵa qosymsha qarajat bólinbek. Aýyldarda medısınalyq qyzmetterge qoljetmidilik arttyrylmaq, bul baǵyt boıynsha qarjylandyrý kólemi 20 paıyzǵa kóbeıedi degen jospar bar.  

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar