Aımaqtar • 02 Naýryz, 2021

Erjan Babaqumarov Almaty qalasynyń Qazaqstan halqy Assambleıasy Keńesiniń otyrysyn ótkizdi

13 ret kórsetildi

Almaty qalasy ákiminiń orynbasary Erjan Babaqumarov QHA qoǵamdyq qurylymdarynyń, respýblıkalyq jáne qalalyq etnomádenı birlestikterdiń músheleriniń, ǵylymı jáne shyǵarmashylyq zııaly qaýym, BAQ ókilderiniń qatysýymen Almaty qalasy Qazaqstan halqy Assambleıasy Keńesiniń otyrysyn ótkizdi.

Erjan Babaqumarov Qazaqstan halqy Assambleıasynyń Alǵys aıtý kúniniń ınstıtýsıonalızasııalaýdaǵy rólin atap ótip, QHA Keńesiniń múshelerine etnosaralyq kelisimdi, beıbitshilik mádenıeti men qoǵamdaǵy dıalogty, Qazaqstan halqynyń birligin nyǵaıtýǵa qosqan úlesi úshin Almaty qalasynyń ákimi Baqytjan Saǵyntaevtyń atynan alǵys hattar tabys etti.

Otyrys barysynda ótken jylǵy jumys qorytyndylary shyǵarylyp, qaladaǵy etnosaralyq qatynastardy damytý jónindegi keshendi sharalardyń iske asyrylý barysy jáne osy baǵyttyń aǵymdaǵy mindetteri qaraldy. 2020 jyly Assambleıa 182 qaıyrymdylyq is-sharasyn ótkizdi, 9346 muqtaj azamat pen 2647 otbasy 60 mln teńgeden astam somaǵa kómek pen qoldaý aldy. Almaty qalasynda etnosaralyq qatynastardy odan ári damytý Tujyrymdamasynyń jobasy jáne ony iske asyrý Jospary ázirlendi.

Almaty qalasy QHA keńesiniń músheleri alǵys aıtý kúniniń mańyzdylyǵyn atap ótti.

«Alǵys aıtý merekesi qazaq halqynyń qaıyrymdylyǵy men keńdiginiń arqasynda ózara túsinistik, turaqtylyq oshaqtary jaǵylǵan bizdiń memlekettegi meıirimdiliktiń, adamgershiliktiń dánine aınalýy múmkin. Táýelsizdiktiń alǵashqy jyldarynan bastap elimizde 130-dan astam ult pen ulys birikti, elimizde álem halyqtarynyń dostyǵy merekesi, dástúr dostyǵy merekesi, mádenıet dostyǵy merekesi qushaq jaıa qarsy aldy. Alǵys aıtý kúni kópultty Qazaqstandaǵy etnostardyń jalpy tarıhyn qurmetteý kúni, dástúrlerge adaldyq jáne áleýmettik yntymaqtastyq pen ózara kómekti qoldaý kúni atap ótiledi. Bul kúndi meıirimdilik, qol alysý jáne rýhanı dástúrler kúni dep ataıdy», - dedi «Ahyska» túrik etnomádenı ortalyǵy» Respýblıkalyq qoǵamdyq birlestiginiń Almaty fılıaly tóraǵasynyń orynbasary Qazaqbaı Qasymov.

Esterińizge sala keteıik, búgin Almatyda etnomádenı birlestikter men eriktiler korpýsynyń qatysýymen birqatar qaıyrymdylyq aksııalary ótkizilip jatyr. Alǵys aıtý kúnine oraı oflaın jáne onlaın formattarda ár túrli deńgeıdegi 100-den astam is-sharalar ótýde.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar