Aımaqtar • 02 Naýryz, 2021

Darıǵa Nazarbaeva Tarazdaǵy ınklıýzııany qoldaý kabınetteriniń jumysymen tanysty

17 ret kórsetildi

«Nursultan Nazarbaev Qorynyń» dırektory Darıǵa Nazarbaeva jumys saparymen Taraz qalasynda boldy. Darıǵa Nursultanqyzy men Jambyl oblysynyń ákimi Berdibek Saparbaev oblystyq kópsalaly balalar aýrýhanasyndaǵy «Qamqorlyq» ońaltý ortalyǵynyń jáne Taraz qalasyndaǵy  №9 orta mektep pen A.Gaıdar atyndaǵy №35 orta mektepterindegi ınklıýzııany qoldaý kabınetteriniń jumysymen tanysty, dep habarlaıdy Egemen.kz.

Osy kabınetterdiń ashylýy nátıjesinde búginde erekshe bilim alýǵa qajettiligi bar 22 bala óz qurdastarymen birge mektepte oqýǵa múmkindik alǵan. Buryn bul balalar úıde oqytylǵandyqtan, logoped, defektolog pen psıholog sııaqty mamandardyń járdemin turaqty túrde ala almaǵan.

Darıǵa Nazarbaeva Elbasynyń «Qamqorlyq» bastamasyn iske asyrý aıasynda ótken jyldyń jeltoqsan aıynda ashylǵan ońaltý ortalyǵynyń jumysyn kórdi. Ortalyqtaǵy kabınetterdi aralap, ata-analarmen jáne balalarmen áńgimelesti. Munda neıro-ortopedııalyq aýrýlary bar 80 bala ońaltýdan ótýde. Al, ashylǵan sátten bastap Jambyl oblysynan erekshe qajettilikteri bar 200-ge jýyq bala kómek alǵan. Atalǵan ortalyq Elbasynyń bastamasy aıasynda ashylǵan 8 ortalyqtyń ishindegi eń úlken ortalyqtardyń biri. Bul ortalyq 1500 sharshy metrde ornalasqan, ishinde 2 basseıni bar. Taraz qalasynyń «Qamqorlyq» ońaltý ortalyǵynyń dırektory Raısa Qojamjarova Darıǵa Nursultanqyzyna keshendi ońaltý tujyrymdamasy men kórsetiletin ońaltý is-sharalarynyń túrleri týraly málimet berdi. Olardyń ishinde dárigerlerdiń konsýltasııalary, mehanoterapııa, emdik dene shynyqtyrý, sensorlyq jáne ınteraktıvti bólmelerde logopedterdiń, defektologtardyń, psıhologtardyń, ergoterapevterdiń sabaqtary, sondaı-aq, mıneraldy sýmen emdeý, fızıoemdeý jáne basqa da em túrleri bar. «Qamqorlyq» ortalyqtarynda tıisti oqytýdan ótken bilikti mamandar jumys isteıdi.

Byltyr Jambyl oblystyq balalar aýrýhanasy janyndaǵy ortalyqtyń 24 mamany biliktilikti arttyrý jáne qaıta daıarlaý kýrstaryn ótken bolsa, bıyl kóshpeli semınarǵa 32 qyzmetker qatysqan. Jyl sońyna deıin reabılıtologııa salasyndaǵy ózekti máseleler boıynsha sheteldik mentorlardyń qyzmetkerlerin oqytý josparlanýda. «Sondaı-aq, balalardy qoljetimdi jerde sapaly ońaltýdan ótkizý maqsatynda Qor ońaltý ortalyǵyna jetekshilik etýdi jalǵastyrýǵa nıetti», dedi «Qamqorlyq» qory dırektorynyń mindetin ýaqytsha atqarýshy Araılym Erkinova. Ortalyq jyl saıyn 600-den astam neıro-ortopedııalyq, onyń ishinde serebraldy sal aýrýy bar balalardy tegin qabyldaıtyn bolady. Mundaı ortalyqtar elimizdiń Almaty, Atyraý, Batys Qazaqstan, Shyǵys Qazaqstan, Túrkistan, Qostanaı oblystarynda jáne Nur-Sultan qalasynda ashyldy.

Jalpy, Elbasynyń bul bastamasy jylyna 5000 balany ońaltýǵa múmkindik beredi. Jańa 8 ortalyqtyń jumysy nátıjesinde serebraldy sal aýrýy bar balalardy ońaltýdy qamtý 20 paıyzǵa ósken. «Inklıýzııany qoldaýdyń 16 kabınetin qurý» – Elbasynyń taǵy bir bastamasy. Joba Qazaqstannyń 8 óńirinde júzege asyrylýda. Árbir ınklıýzııany qoldaý kabınetteri úshin Nursultan Nazarbaev Qory 10 tıýtor, ıaǵnı jeke asısstentterdi daıyndaǵan. Psıhologııalyq-pedagogıkalyq súıemeldeý qyzmetiniń barlyq mamandary úshin oqytý júrgizilgen. Sonymen qatar, ár mektep sertıfıkattalǵan mamandardyń jyldyq kýrasııasymen qamtamasyz etilgen.

Sońǵy jańalyqtar

Bir shańyraqtan – úsh maıdanger

Rýhanııat • Búgin, 14:00

Jetpis jeti jyldan keıin kelgen marapat

Aımaqtar • Búgin, 11:47

Taraz qalasynda 20 soǵys ardageri bar

Aımaqtar • Búgin, 11:00

Qazaqstannyń 7 óńiri «qyzyl aımaqta» tur

Koronavırýs • Búgin, 10:45

Qazaq degenimiz – Baýyrjan...

Rýhanııat • Búgin, 09:45

505-shi túrmeniń tutqyndary

Tarıh • Búgin, 09:15

Uqsas jańalyqtar