Vıdeo • 02 Naýryz, 2021

Áskerdiń qaýip-qaterge daıarlyǵy qalaı?

65 ret kórsetildi

Qorǵanys mınıstrliginde ótken apparat keńesinde Qarýly Kúshterge qoıylǵan mindetterdi júzege asyrýdyń joldary men tásilderi aıqyndaldy.

Rotalardyń úılesimdiligi jónindegi sharalardyń barysy, quqyqtyq jáne áskerı tártip, sanıtarlyq-epıdemıologııalyq jaǵdaı jóninde baıandamalar tyńdaldy.

Sıpaty men aýqymy ár túrli oqý-jattyǵýlar qarsańynda qorǵanys vedomstvosynyń basshysy áskerlerdi oqytý barysynda qazirgi zamanǵy qarýly qaqtyǵystar tájirıbesin zertteı otyryp, is-qımyldardyń jańa nysandary men ádisterdi qoldanýdy tapsyrdy. Dáldigi joǵary qarýdan qorǵanýǵa, radıoelektrondy kúres pen áýe shabýylyna qarsy qorǵanys  quraldaryn, sondaı-aq barlaý quraldary men barlaý-soqqy berý júıesindegi atys shabýyly jáne barlaý-qarsy oq atý daıarlyǵy keshendi ózara is-qımylyn tıimdi paıdalanýǵa basty nazar aýdarylýy tıis ekendigi atalyp ótti.
 

Oqý-jattyǵýlar barysynda jaǵdaıdy ári qaraı óristetý,  kenetten paıda bolǵan qaýip-qaterge tótep berý, qarý-jaraq pen áskerı tehnıkanyń jańa elementterin iske qosý qajettiligi aıtyldy.

Áýe shabýylyna qarsy qorǵanys áskerlerin ári qaraı damytý jóninde jeke tapsyrmalar berildi. Qazirgi jaǵdaıda bul toqtaýsyz qyzmet atqaratyn, qarsylastyń áýe shabýylynda qoldanatyn barlyq quraldaryna, onyń ishinde, shaǵyn drondardan bastap ballıstıkalyq, qanatty zymyrandarǵa jáne aerodınamıkalyq nysandarǵa deıin qarsy tótep beretin júıege aınalýy tıis.

Áskerı-qoldanbaly sport túrleriniń mańyzy atap ótildi. О́tken aptada Qarýly Kúshterde Biryńǵaı sport kúni, QR QK arasynda armııalyq qoıan-qoltyq kúres boıynsha chempıonat aıaqtaldy. Al sambodan ótken el chempıonatynda Ortalyq sport klýbynyń samboshylary ár túrli dárejedegi 6 medalge ıe boldy. Qorǵanys mınıstri nusqaý berý-ádistemelik sabaqtaryn, áskerlerde jeke quramǵa barynsha daıyndalǵan armııa sportshylarynyń sheberlik sabaqtaryn ótkizýdi tapsyrdy. Bul áskerde sportty keńinen nasıhattaý men áskerılerdi daıarlaý barysynda jańashyldyqtyń jaýyngerlerdi daıarlaýdy jetildirý ádistemesiniń kepili bolmaq.

Garnızondarda áskerı polısııa qyzmetkerlerimen ótkizilgen «Toqta jáne sóıles» aksııasy nazarǵa alyndy. Aksııa barysynda áskerı qyzmetshilermen jeke jáne toptyq áńgimelesý uıymdastyrylyp, áskerı bólimderde qyzmettik jáne qarjy-sharýashylyq jaǵdaı qarastyryldy. Ár túrli quqyqbuzýshylyqtyń aldyn-alý sharalary ótkizilip, bólim komandırleri men jaýapty tulǵalarǵa zańǵa qarsy is-áreketterdi boldyrmaý jáne soǵan baılanysty jaýapkershilik  týraly eskertildi.  Qorǵanys vedomstvosynyń basshysy atap ótkendeı, aksııa qorytyndysy boıynsha Qarýly Kúshterde jaǵymsyz jaǵdaılardyń aldyn-alý men azaıtýǵa qatysty qurylymdar jasalýy tıis.

Bas medısınalyq basqarma bastyǵynyń baıandamasyna súıensek, ótken aptada Qarýly Kúshterde koronavırýs indetpen juqtyrǵandar sany eki esege, ıaǵnı 47%-ǵa azaıǵan. Indet anyqtalǵandardyń jartysy – aýrý belgisi joqtar. Áskerdegi qolaıly sanıtarlyq-epıdemıologııalyq ahýaldy – jeke quramnyń densaýlyq jaǵdaıyn udaıy baqylaý jáne PTR-testileýdi aýqymdy júrgizý, syrqattanǵandardy ýaqytyly emdeýge jiberý jáne baılanysta bolǵan tulǵalardy oqshaýlaý sııaqty keshendi sharalar arqyly qamtamasyz etedi.

Sońǵy jańalyqtar

Izraıl «betperdesin sheshti»

Álem • Búgin, 16:32

Ilim adamǵa ne úshin qajet?

Rýhanııat • Búgin, 16:00

Palata otyrysynyń kún tártibi bekitildi

Parlament • Búgin, 15:48

«Ýkaznoı molda»: Ol kim?

Rýhanııat • Búgin, 15:25

Prezıdent Qaırat Kelimbetovti qabyldady

Prezıdent • Búgin, 14:43

Qaraǵandyda qylmystyq top quryqtaldy

Qoǵam • Búgin, 12:59

Dollar qaıta qymbattap jatyr

Ekonomıka • Búgin, 11:44

ShQO-daǵy Shar ózeninde balyq qyrylýda

Aımaqtar • Búgin, 10:49

Shymbulaq shyńynan 6 adam qutqaryldy

Qoǵam • Búgin, 10:32

Qurttyń ishinen esirtki tabyldy

Aımaqtar • Búgin, 09:43

«Astana» kósh bastady

Sport • Búgin, 09:40

Qyzylordada aýa sapasy nasharlaıdy

Aımaqtar • Búgin, 09:22

Shekarashy sarbazdar ant qabyldady

Qazaqstan • Búgin, 09:20

Jartylaı fınalda súrindi

Tennıs • Búgin, 07:56

Keńeıtilgen quram jarııalandy

Hokkeı • Búgin, 07:54

«Sary mysyq» festıvaldi ashady

Kıno • Búgin, 07:52

Kókpar – ulttyq minez

Rýhanııat • Búgin, 07:50

Uqsas jańalyqtar