«Agroónerkásiptik keshen sýbektilerin qarjylandyrýdyń qoljetimdiligin arttyrý maqsatynda salalyq memlekettik qoldaý baǵdarlamalaryna qosý jolymen ekinshi deńgeıdegi bankter, Qazaqstannyń Damý Banki jáne sındıkattalǵan qaryzdar arqyly aýyl sharýashylyǵy sektoryna kredıt berý múmkindikterin keńeıtý josparlanyp otyr», dedi agroónerkásiptik keshendi damytýdyń negizgi baǵyttary jáne ınvestısııalyq jobalardyń iske asyrylýy týraly baıandaǵan Saparhan Omarov.
Mınıstrdiń aıtýynsha, aýyl sharýashylyǵy ónimderin forvardtyq satyp alýdy keńeıtý jáne jastar úshin aýyl sharýashylyǵy salasyndaǵy jobalardy iske asyrýǵa granttar engizý múmkindigi qarastyrylyp jatyr.
«Sondaı-aq, barlyq agroónerkásiptik keshendi qoldaý is-sharalarynyń biryńǵaı elektrondyq resýrsy qurylatyn bolady», dedi mınıstr.
