Qoǵam • 04 Naýryz, 2021

Polısııa alaıaqtardan saqtanýdy eskertti

8 ret kórsetildi

Sońǵy ýaqytta qoǵamda ınternet arqyly jasalatyn alaıaq áreketter tym kóbeıip bara jatyr. Aldap-arbaýdyń túrli ádisteri men syzbalaryn jetik meńgerip alǵan teris pıǵyldylar kóp jaǵdaıda tólem kartasyndaǵy qarjyny urlaýdy qolaı kóredi eken. Nur-Sultan qalasy polısııasy tómendegideı jaǵdaılar kezinde aldanbaı, meılinshe saýattylyq tanytýǵa shaqyrady.

Olar baǵdarlamalyq júıeni paıdalana otyryp bankterdiń resmı koll-ortalyqtarynyń nómirlerin qaıtalap, kartany paıdalanýshylarǵa qaıtalama nómirlerden qońyraý shalady. Áńgimelesý barysynda ózderin bank qyzmetkerimin dep tanystyrady. Bank qyzmetkeriniń rólin sheber somdap, alaıaqtar bank kartasy boıynsha alaıaqtyq áreketter jasalyp jatqanyn habarlaıdy jáne aqshany saqtap qalý úshin saqtandyrý uıashyǵyna aqsha qarajatyn aýdarýdy suraıdy. Áńgimeni úzbeýge tyrysyp, bóten adamdardyń bank kartasynyń nómirin aıtady.

«Eger sizge osylaı qońyraý shalatyn bolsa eshqashan óz derekterińizdi bermeńiz. Olar – alaıaqtar. Bank qyzmetkerleri eshqashan qońyraý shalyp, jeke málimetterdi jınamaıdy! Resmı koll ortalyqnómirine qaıta qońyraý shalyp, aqparatty tekserińiz» delingen polısııa habarlamasynda.

Sondaı-aq ınternet jelisinde alaıaqtyqtyń basqa da túrleri, máselen messendjer arqyly satyp alýshy retinde hat almasý jıi tarap jatyr. Sóılesý kezinde «jetkizý» qyzmetin paıdalanýdy suraıdy, sol úshin basyp kirýi tıis silteme jiberedi. Bir qaraǵanda ol silteme eshqandaı kúmán týdyrmaıdy, alaıda ony basqan kezde paıdalanýshy fıshıng saıtyna kiredi. Bul saıtta bank kartasyn, CVV-kodty jáne JSN-dy kórsete otyryp saýalnamany toltyryp, aqshanyń aýdarylýyn kútý usynylady. Joǵaryda kórsetilgen derekterdi alǵan soń, alaıaqtar birden kartadaǵy shottan barlyq aqsha qarajatyn jymqyrady. Al alaıaqtyq saıt birneshe sekýndtardan keıin buǵattalyp qalady jáne eshqandaı belgi qalmaıdy.

Mundaı kezde azamattar jiberilgen siltemege muqııat mán berip, saıttyń túpnusqalyǵyna nazar aýdarýy qajet. Fıshıng saıttar shyn máninde túpnusqa saıttarǵa uqsaǵanymen, ataýynda artyq áripter men tańbalar bolady.

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar