Shardara APB-niń kezekshi bólimine jergilikti polısııa qyzmetiniń tabıǵatty qorǵaý polısııasynyń ınspektorlary Bekmuhambet Tengebaev jáne Qurmanǵazy Abdıkalıkov Shardara sý qoımasynan brakonerler ustalǵany jóninde habarlama jasady.
Oqıǵa ornyna jetken jedel-tergeý tobynyń qyzmetkerleri eki brakonerdiń sý qoımasyna balyq aýlaıtyn aý torymen zańsyz balyq aýlap jatqandary anyqtaldy. Aıǵaqty zattar tárkilenip alyndy. Sondaı-aq kúdikti azamattar Shardara qalasynyń turǵyndary bolyp shyqty. Polısııa qyzmetkerleri kúdiktilerdi istiń barlyq mán-jaıyn anyqtaý úshin aýdandyq polısııa bólimine jetkizdi.
Brakonerlerden 120 kelige jýyq balyq pen balyq aýlaý quraldary tárkilendi. Qazirgi ýaqytta atalǵan jaıt QR QK-niń 335-baby 3-bóligi (Balyq resýrstaryn, basqa da sý janýarlaryn nemese ósimdikterdi zańsyz aýlaý) boıynsha sotqa deıingi tergeý amaldary júrgizilýde. Búgingi tańda eki kúdikti azamat qolhatta.
О́z kezeginde, Túrkistan oblysynyń polıseıleri azamattarǵa zańsyz balyq aýlaý, sondaı-aq Qyzyl kitapqa engizilgen janýarlar men ósimdikterdi joıý zań aıasynda jaýapqa tartylatynyn eske salady.
