Bilim • 09 Naýryz, 2021

1 mamyrdan bastap sport seksııalaryn jan basyna qarjylandyrý engiziledi

40 ret kórsetildi

2021 jyldyń 1 mamyrynan balalar sport seksııalaryn jan basyna qarjylandyrý engiziledi. Bul jóninde Májilis depýtattarynyń saýalyna oraı Úkimet basshysy Asqar Mamınniń jaýabynda aıtylǵan, dep habarlaıdy Egemen.kz

«Sportpen aınalysý qoljetimdiligin qamtamasyz etý úshin osy jyldyń 1 mamyrynan balalar sport seksııalaryn jan basyna qarjylandyrýdy kózdeıtin memlekettik sporttyq tapsyrys engiziledi. Jańa ádis sport seksııalary tapshylyǵy problemasyn sheshýge jáne jeke sektordy tartý esebinen kórsetiletin qyzmetter sapasyn arttyrýǵa múmkindik beredi. Memlekettik sporttyq tapsyrys 4 jastan bastap 17 jasqa deıingi barlyq balaǵa, onyń ishinde erekshe qajettiligi bar balalarǵa taralady», dedi Úkimet basshysy.

Onyń atap ótýinshe, memleket sport seksııalaryna barýmen baılanysty shyǵyndardyń basym bóligin óz moınyna alady. Al ata-analar qyzmet kórsetýshini tańdaý jáne onyń qyzmetine baǵa berý quqyǵyna ıe bolady. Shyǵyndar balanyń turǵylyqty jerin, sport túrin, qyzmet kórsetý ádisin jáne ózge de birqatar faktordy esere otyryp bekitilgen tarıfpen tólenedi.

«Memlekettik sport tapsyrysynyń operatory qyzmeti jergilikti atqarýshy organdarǵa júktelgen. Ákimdikter memlekettik sporttyq tapsyrys ornalastyryp, qyzmet kórsetýshini irikteý, kezek qalyptastyrý, qyzmetke tólem jasaý jáne qarajattyń maqsatty túrde jaratylýyna baqylaý jasaý jumystaryn úılestiredi. Jemqorlyq táýekelderdi tómendetý úshin memleket, qyzmet kórsetýshi jáne ata-ana arasyndaǵy ózara qarym-qatynas elektrondy formatta qalyptastyrylady», dedi ol. Premer-Mınıstrdiń aıtýynsha, barlyq qyzmet kórsetýshiler biliktilik irikteýinen ótedi.

«Irikteýdiń basty krıterııleriniń biri – kásibı sporttyq nusqaýshynyń bolýy. Qarjylandyrý jergilikti bıýdjetten júzege asyrylady. Bıyl buqaralyq sportty, onyń ishinde balalar seksııasyn qoldaý úshin kásibı sport klýbtaryna arnalǵan shyǵystardy qysqartý nátıjesinde únemdelgen 16 mlrd teńgeni qosymsha baǵyttaý josparlanǵan», dedi Asqar Mamın.

Sońǵy jańalyqtar

ShQO-da mal urylary ustaldy

Aımaqtar • Búgin, 11:00

Uqsas jańalyqtar