Jetisaı APB-ne jergilikti turǵyn áıel aryzdanyp, óziniń jumys ornyndaǵy kabınetine belgisiz bireýler kirip, seıfte turǵan 130 myń teńgesin jymqyryp ketkenin kórsetken. Atalǵan jaıtty polısııa qyzmetkerleri QR QK-niń 188-baby 1-bóligi (Urlyq) boıynsha SDTBT-ǵa tirkedi. Jábirlenýshige keltirilgen shyǵynnyń kólemi 130 myń teńgeni qurady.
Oqıǵa ornyna tájirıbeli tártip saqshylarynan jedel tergeý toby qurylyp, qylmysty ashý maqsatynda birden iske kiristi. Jaqyn aımaqty bir sholyp shyǵyp, beınekameralardy tekseredi. Kúdikti retinde tanylǵan azamattardan túsinik aldy. Nátıjesinde, urlyqqa qatysy bar jas áıel anyqtalyp bólimshege jetkizildi.
Tergeý barysynda kúdikti áıeldiń jábirlenýshimen birge jumys jasaıtyny anyqtaldy. Sonymen qatar kúdikti eden jýmaq bolyp jábirlenýshiniń kábınetine kirip óz aramy oıyn júzege asyrǵan. Búgingi tańda kúdikti azamatsha óz kinásin tolyqtaı moıyndady. Qazirgi tańda sotqa deıingi tergeý amaldary júrgizilýde.
Bas sharasy qolhatta. О́z kezeginde, Túrkistan oblysynyń polıseıleri azamattarǵa muqııat bolý jáne óz múlkin qaraýsyz qaldyrmaý qajettigin eskertedi.
Sondaı-aq urlyqty boldyrmaý úshin óziniń sharýashylyq aýlalaryn jáne úılerin kireberisterdegi senimdi qorshaýmen jáne qulyptarmen nyǵaıtý qajet. Qandaı da bir múlik urlanǵan nemese joǵalǵan jaǵdaıda shuǵyl «102» telefony boıynsha polısııaǵa habarlaý kerek.
