Aımaqtar • 09 Naýryz, 2021

Batys Qazaqstanda 5 júk kóligi jol jıegine túsip ketti

66 ret kórsetildi

Naýryz týsa da Batys Qazaqstan oblysynda jıi-jıi boran kóterilip, tabıǵat tosyn minez kórsetip tur. Onyń qıyndyǵyn eń aldymen alys jolǵa shyqqan jolaýshylar kórip jatyr, dep habarlaıdy Egemen.kz

8 naýryz kúni 17 saǵat 30 mınýtta «Samara-Shymkent» tas jolynda, Batys Qazaqstan oblysynyń Syrym aýdany aýmaǵynda Aqtóbe oblysyna qaraı ketip bara jatqan júk kóligi turyp qalǵandyǵy jóninde habar alǵan №14 órt sóndirý beketi qyzmetkerleri kómek kórsetý jáne evakýasııalaý úshin oqıǵa ornyna jedel jetken eken.

Qutqarýshylar barǵan kezde «Samara-Shymkent» tas jolynyń 490 shaqyrymynda 3 fýra jol jıegine túsip ketken eken. «Kólik júrgizýshileri evakýasııadan bas tartty. Avtokólikterdi jol jıeginen shyǵarý úshin kómek kórsetilýde» dep habarlady oblystyq Tótenshe jaǵdaılar departamentiniń baspasóz hatshysy Bákızat Maǵzenova.

Dál osy kúni 22 saǵatta aýa raıynyń qolaısyzdyǵyna baılanysty 100 kılometrlik «Oral-Tasqala-RF shekarasy» tas joly jabylǵan bolatyn. Osy joldyń boıynda, Birlik kenti shamasynyń 80 shaqyrymynda 12 fýra men 3 júk kóligi qutqarýshylardyń baqylaýynda bolyp, kún raıy túzelgen soń odan ári jolǵa shyǵyp ketken.

1

Mereke kúni 23 saǵat 49 mınýtta Oral qalasyna qarasty Derkól-Beles aýyldyq jolynda Kardon kentiniń shamasynda 3 jeńil kólik qar qursaýynda qalǵan eken. Bul kólikterde 13 adam, onyń ishinde 3 bala bolǵan. Batys Qazaqstan oblystyq Tótenshe jaǵdaılar departamentri qyzmetkerleriniń kúshimen kólikter joldyń tazartylǵan bóligine shyǵaryldy, eshkim zardap shekpegen.

«2021 jylǵy 9 naýryzdaǵy jaǵdaı boıynsha 11 saǵat 15 mınýtta «Samara-Shymkent» tas jolynyń 490-522 shaqyrymynda jol jıegine túsip ketken 5 fýra qalyp otyr, onyń bireýine tehnıkalyq aqaýlyǵy jáne jol jıeginen shyǵarýǵa baılanysty kómek kórsetilýde» dep habarlaıdy Tótenshe jaǵdaılar departamenti.

Sońǵy jańalyqtar

Áskerı tikushaq apatqa ushyrady

Álem • Búgin, 15:21

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Uqsas jańalyqtar