«BJZQ» AQ Qazaqstan Respýblıkasy Qarjy naryǵyn retteý jáne damytý agenttigi Basqarmasynyń 2021 jylǵy 12 aqpandaǵy № 27 qaýlysymen bekitilgen Salymshylardyń (alýshylardyń) jeke zeınetaqy shottaryndaǵy (JZSh) mindetti zeınetaqy jarnalary, mindetti kásiptik zeınetaqy jarnalary jáne erikti zeınetaqy jarnalary esebinen zeınetaqy jınaqtaryn esepke alýdy júrgizý qaǵıdalarynyń 2021 jyldyń 01 naýryzynan bastap kúshine engeni týraly habarlaıdy. Buǵan sáıkes JZSh zeınetaqy jınaqtary bolmaǵan jaǵdaıda 1 (bir) aı ótken soń jabylady.
Osylaısha BJZQ-da buryn ashylǵan, onyń ishinde adam jumysqa turyp, shot ashýǵa ótinish bergen nemese zeınetaqymen qamsyzdandyrý týraly shart jasasqan, biraq qandaı da bir sebeptermen aýdarymdar jasaı almaǵan jaǵdaılarda, sondaı-aq, zeınetaqy jınaqtary bolǵan jáne zeınetaqy jınaqtarynyń barlyq somasy tólenip, aýdarym júzege asyrylǵan JZSh-larǵa tólem ne aýdarym jasalǵannan keıin 1 (bir) aı ishinde zeınetaqy jarnalary túspegen jaǵdaılarda mundaı JZSh jabylady.
01.02.2021 jyly BJZQ-daǵy zeınetaqy jınaqtary joq shottardyń sany shamamen 121 myń birlik.
Esterińizge sala keteıik, 2019 jyldan bastap BJZQ-da mindetti zeınetaqy jarnalary (MZJ) esepke alynatyn JZSh ashý úshin jeke tulǵaǵa ótinishti rásimdeý maqsatynda BJZQ-ǵa júginýdiń qajeti joq. Shot alǵashqy jarna kelip túsken kezde BJZQ aqparattyq júıesinde avtomatty túrde ashylyp, jeke tulǵany sáıkestendirý zeınetaqy jarnasyn aýdarý kezinde tólem tapsyrmasynyń elektrondyq formatynda kórsetilgen derbes derekter boıynsha júzege asyrylady. Al qoldanystaǵy qujattyń derektemeleri men ózge de derektemeleri týraly barlyq qajetti málimetterdi BJZQ memlekettik organdardyń aqparattyq júıelerinen alady. BJZQ «Azamattarǵa arnalǵan úkimet» memlekettik korporasııasynan elektrondyq habarlama alǵan kúnnen bastap salymshy MZJ esebinen zeınetaqymen qamsyzdandyrý týraly shartqa qosylǵan bolyp esepteledi.
Jumys berýshi jarnalardy birinshi jalaqydan MZJ somasyn ustap qalǵan kezden bastap aýdarady, ıaǵnı MZJ-ny «nól» (esepke alatyn jınaqtary joq) shottardyń týyndaýyna jol berilmeıdi.
