«Joǵary bilim berýde kásiptik standarttar negizinde bilim berý baǵdarlamalaryn 100 paıyz jańartý mindeti tur. QS WUR reıtıngisine kiretin qazaqstandyq joǵary oqý oryndarynyń sany 15-ke deıin artady. 5 jyldyń ishinde respýblıka aýmaǵynda 5 jetekshi sheteldik joǵary oqý ornynyń kampýstaryn ashý josparlanýda», dedi mınıstr.
Mınıstrdiń aıtýynsha, stýdentterdi jataqhanalardaǵy oryndarmen qamtamasyz etý úshin 2020 jyly 20 myń oryndyq 75 jataqhana paıdalanýǵa berildi. 2025 jylǵa qaraı keminde 50 myń jańa oryn paıdalanýǵa beriledi.
«Joǵary bilim alýǵa qoljetimdilikti keńeıtý úshin 2025 jylǵa deıin granttar sany 50 paıyzǵa artady. Granttardyń birneshe túrleri engiziledi. Memleket basshysynyń tapsyrmasy boıynsha sońǵy bir jyldyń ishinde stýdentterge arnalǵan stıpendııalar mólsheri 25, doktoranttarǵa 83 paıyzǵa ulǵaıtyldy. Endi 2025 jylǵa deıin stýdentterdiń stıpendııasy taǵy 2 esege, magıstranttar men doktoranttardyń stıpendııasy 1,5 esege artady», dedi Ashat Aımaǵambetov.
