Is-shara barysynda Choı Ion Sonǵa Prezıdent Qasym-Jomart Toqaevtyń haty tabys etildi.
Choı Ion Son 2019 jyldyń aqpanynda Hankýk shet tilderi ýnıversıtetin qazaq tili mamandyǵy boıynsha bitirdi. Stýdenttermen almasý baǵdarlamasy sheńberinde 2015-2016 jyldary ál-Farabı atyndaǵy Qazaq ulttyq ýnıversıtetinde oqyp, 2017 jyly «Astana Ekspo - 2017» Halyqaralyq mamandandyrylǵan kórmesinde Koreıa Respýblıkasynyń pavılonynda qyzmet etti.
Qazirgi ýaqytta ol Hankýk shet tilderi ýnıversıtetiniń ǵylymı qyzmetkeri retinde jumys istep, qazaq tilin zertteý men ony nasıhattaý boıynsha eńbegin jalǵastyrýda. Ol qazaq tilin joǵary deńgeıde meńgerip qana qoımaı, halqymyzdyń mádenıeti men dástúrin tereń biledi.
Choı Ion Son «Túrkistan» gazetine bergen suhbatynda qazaq tilin úırengeni, koreı-qazaq sózdigin qurastyryp jatqany, elimizdegi oqý men ómir súrýdiń tájirıbesi týraly óz áserimen bólisti. Memleket basshysy Qasym-Jomart Toqaev gazette jarııalanǵan suhbatty oqyp, ony joǵary baǵalaǵan bolatyn. О́ziniń hatynda ol Choı Ion Sonǵa jeke rızashylyǵyn bildirip, qazaq tilin zerttep, koreı-qazaq sózdigin qurastyrýyn qoldaıtynyn jetkizgen.
