Týrnırdiń alǵashqy kúni jeti salmaq dárejesi boıynsha júldeler sarapqa salyndy. 60 kılo salmaqta Maǵjan Shamshıdınge teń keler eshkim tabylmady. Kezinde jastar býyny arasyndaǵy jarystarda jasyndaı jarqyraǵan saıypqyran bul joly eresekterdiń dýynda óziniń myqtylyǵyn moıyndatty. Fınalda Maǵjan Dáýren Súıeýkenovke san soqtyrdy.
66 kılo salmaqta Eset Qýanovtyń qarqyny qýantty. Bul jigittiń jankúıerler kóbine-kóp samboshy retinde jaqsy biledi. Kúrestiń sol túrinen ol álem chempıony atanǵany da esimizde. Sońǵy kezderi Eset tatmıge de jıi shyǵyp júr. Aqtaıdaǵy dodada Qýanovtyń ekpinine eshkim shydaı almady. Aqtyq aıqasta ol Suńǵat Jubatqandy jeńdi.
73 kılo salmaqtyń bas júldesi úshin reseılik Mýrodjon Iýldashev pen jerlesimiz Janbolat Baǵytbergenov talasty. Bul tartys syrttan kelgen sańlaqtyń paıdasyna sheshildi.
Áıelder arasyndaǵy jarysta asa jeńil salmaqta Ábıba Ábýjarqynova altynnan alqa taǵyndy. Qazaq dzıýdoshysy fınalda reseılik Alına Sergeevadan aılasyn asyrdy. Al ózge úsh salmaq dárejesiniń bas júldesiniń barlyǵyn soltústikten kelgen kórshilerimiz jeńip aldy. Olar – Lılııa Nogaeva (52 kılo), Iýlııa Kazarına (57 kılo) jáne Aıgúl Bagaýtdınova (63 kılo).
