Komandamyzdyń bas bapkeri Erik Alǵabek 21-naýryzǵa deıin sozylatyn týrnırge alty shákirtin aparýdy qup kórip otyr. Olardyń barlyǵynyń da esimi jankúıerlerge jaqsy tanys. Máselen, Túrkııa tórinde álemniń eki dúrkin chempıony Nazym Qyzaıbaı kúsh synasady. Shyny kerek, kezinde elishilik jarystarda qarsylas shaq keltirmeı, halyqaralyq dodalarda da talaı márte aldyna jan salmaǵan arýymyz sońǵy kezderi jıi súrinip júr. Qazaqstan chempıonatynda utyldy, jýyrda ǵana ótken halyqaralyq týrnırde súrindi. Endi osy jarysta Nazym jankúıerlerdiń senimin aqtaıdy dep úmittenemiz. Sondaı-aq, Vladıslava Kýhta, Rımma Volosenko, Valentına Halzova, Nadejda Rıabes jáne Aqjarkyn Moldabekova syndy sulýlar da Anadoly elinde óz ónerlerin ortaǵa salady.
Aıtýly týrnır aıaqtalǵan bette Qazaqstan quramasy Túrkııanyń Trabzon qalasyna attanyp, Anglııa, Irlandııa jáne jergilikti bylǵary qolǵap sheberleriniń qatysýymen ótetin birlesken oqý-jattyǵý jıynynda sheberlikterin shyńdaıdy.
