Koreıdiń kórkem tústeri

Kórme jádigerleri «bes tús – bes negizgi baǵyt» tu­jy­­rymdamasy negizinde da­ıyndalyp, ekspozısııada ko­reılerdiń dástúrli kıim úl­gileriniń artefaktileri men re­prodýksııalary sanalatyn jádigerler, dástúrli tur­mys­tyq zattary qoıylyp, Sýkmıon áıelder ýnıversıteti túlekteriniń zamanaýı jumys­tary usynyldy.

Sharany ashyp sóz sóılegen Elbasy kitaphanasynyń dırektory Baqytjan Temir­bolat atalǵan oqıǵa eki el arasyndaǵy dostyq baılanysyn bekite tú­setinine senim bil­dire kelip, kóp­shiliktiń kóz­­aıymyna aı­nalǵan bu­ıymdar, atap aıt­qanda kos­tıýmder, keramıka men aǵash­­­tan jasalǵan úı kerek-jaraqtary koreı halqynyń ádet-ǵuryptarynyń boıaýyn áı­gilep turǵanyn jetkizse, Koreıa Respýblıkasynyń Qa­zaq­standaǵy Tótenshe já­ne ókiletti elshisi Ký Hong-sok: «Bul kórme kóp júrekke ju­banysh syılaıdy dep úmittenemin. Pandemııadan qa­jyǵan jandar úshin koreı halqynyń erekshe tústerin beıneleıtin túr­li kıim­de­ri­­men, dástúrli áshe­keı­le­ri jáne qolónerimen ta­ny­­sýǵa tamasha múmkindik týýda. Aldaǵy ýaqytta Koreıa Respýblıkasynyń elshiligi men mádenı ortalyǵy qyzyq­ty, ta­nymdyq is-sharalar ót­ki­zýdi josparlap otyr», dedi.