Otyrysqa mınıstrlikter men vedomstvolardyń, ulttyq kompanııalardyń ókilderi, sondaı-aq eki taraptyń tıisti uıymdarynyń shaqyrylǵan ókilderi qatysty.
Sapar aıasynda Roman Sklıar Tájikstan Premer-Mınıstri Kohır Rasýlzodamen kezdesti, onda saýda-ekonomıkalyq, ónerkásiptik jáne qurylys salalaryndaǵy yntymaqtastyqtyń keń aýqymdy máseleleri qaraldy. Roman Sklıar men Komıssııanyń teń tóraǵasy – Tájikstan Respýblıkasy Premer-Mınıstriniń birinshi orynbasary Davlatalı Saıdtyń kezdesýinde eki eldiń aýyl sharýashylyǵy, azyq-túlik qaýipsizdigi, energetıka jáne sý resýrstary, kólik jáne azamattyq avıasııa salasyndaǵy ózara is-qımyl taqyryptary kórinis tapty.
Sondaı-aq 2019 jylǵy sáýirde Nur-Sultanda ótken komıssııanyń XV otyrysynyń sheshimderin iske asyrý barysy qaraldy.
Komıssııa otyrysynda Qazaqstan-Tájikstan ózara is-qımylynyń negizgi baǵyttary boıynsha Indýstrııa jáne ınfraqurylymdyq damý mınıstri Beıbit Atamqulov pen Qazaqstan Respýblıkasynyń ekologııa, geologııa jáne tabıǵı resýrstar mınıstri Maǵzum Myrzaǵalıev sóz sóıledi. Kezdesýge qatysýshylar ekijaqty yntymaqtastyqty odan ári nyǵaıtý jáne ózara tıimdi birlesken jobalardy iske asyrý boıynsha birlesken kúsh-jigerdiń nátıjeliligin atap ótti. Otyrys qorytyndysy boıynsha qol jetkizilgen kelisimderdi iske asyrý týraly hattamaǵa qol qoıyldy.
