Qazyǵurt APB-ne jergilikti turǵynnyń “102” nómirine habarlasyp, belgisiz bireýlerdiń dúkenine urlyqqa túskenin aıtqan. Oqıǵany estigen tártip saqshylary shuǵyl túrde urlyq bolǵan jerge barady. Sodan polıseıler ákki urylardyń dúkenge kirip, 100-ge jýyq uıaly telefondy jymqyryp ketkenderin anyqtady. Polısııa qyzmetkerleri atalǵan jaıtty QR QK-niń 188-baby (Urlyq) boıynsha SDTBT-ǵa tirkep, qylmystyq isti bastap ketedi. Dúken ıesine keltirilgen shyǵynnyń kólemi úsh mıllıon teńgeni quraıdy.
Bul urlyq qylmysy boıynsha tártip saqshylary jedel-izdestirý jumystaryn júrgizdi. Jan-jaqty tekserý jumystaryn júzege asyryp, kórgen-bilgenderden jaýap aldy. Beınebaqylaý kameralaryn tekserdi, barlyq qajetti sharalardy atqardy. Sonyń nátıjesinde aqparat kózderi arqyly, kúdikti retinde eki azamat anyqtalyp bólimshege jetkizildi.
Tergeý barysynda anyqtalǵandaı eki kúdikti qylmysty aldyn ala josparly túrde uıymdastyrǵan. Sondaı-aq kúdikti jas jigitter 100-ge jýyq telefonnyń jartysyn lombardtardyń birine ótkizgenderi belgili boldy. Qalǵan uıaly telefondar kúdiktilerdiń úıinen tárkilenip, zańdy ıesine qaıtaryldy. Qazirgi tańda atalǵan eki kúdiktige qatysty sotqa deıingi tergeý amaldary jalǵasýda. Ustalǵan ekeýdiń bas sharasy qamaýda.
Túrkistan oblysy polıseıleri azamattarǵa baǵaly zattaryńyz ben uıaly telefondaryńyzǵa, ámııandaryńyzǵa saq bolyp saqtyq sharalaryn qoldaný qajettiligin eskertedi. Múliktiń kez-kelgen túrine qyraǵylyqpen jáne jaýapkershilikpen qaraǵanda ǵana, mundaı jaǵdaılardy azaıtýǵa bolady.
