TJD naýryzdyń 20 men 23 aralyǵynda qatty daýyl turyp, boran bolatynyn SMS habarlamalardan jáne «Dármen» mobıldik qosymshasy arqyly eskertken. Tipti, habarlamalar sany qaltafondyq baılanystyń 628 myń abonentin qamtypty. Biraq amal bar ma, Naýryz meıramyndaǵy kóp kúndik demalys halyqty úılerinde otyrǵyzbaı, dalaǵa, qonaqqa, toıǵa qýǵan...
Úsh kún boıy soǵyp turǵan qatty jel syrǵyma júrgizip, jergilikti joldardy ǵana emes respýblıkalyq mańyzy bar úlken joldardyń ózin qar alyp qalǵan. Sonyń ishinde Aqjar, Aıyrtaý, Tımırıazev jáne Taıynsha aýdandarynda 12 qar basyp qalǵan aýmaq tirkeldi. Mine, osy ýchaskeler joǵaryda aıtylǵan 200-den asa jolaýshyny «tutqyn» etken. Ásirese Aıyrtaý aýdanyndaǵy jaǵdaı qaýipti boldy. Barlyq qutqarylǵan 200 adamnyń 149 osy aýdannyń aýmaǵynda boldy. Qutqarý jumystaryna 22 kóliktegi 27 adam qatystyryldy. О́lgender men zardap shekkender bolǵan joq.
Soltústik Qazaqstan oblysy
