Ulttyq statıstıka bıýrosynyń esebi boıynsha egemendik alǵan jyldan bastap 1040 balaǵa Naýryz esimi berilgen.
Bul esimmen qyzdardy da, uldardy da ataǵan. Onyń 443-i sońǵy on jylda týǵan. Al byltyr Naýryz esimdi 48 sábı ómir esigin ashqan.
Esepke sáıkes kóbine-kóp Naýryz esimin Mańǵystaý óńiri 181 balaǵa qoıǵan. Al odan keıin Túrkistan oblysynda - 157 jáne Qyzylorda oblysynda 135 náreste osy esimdi alǵan.
Sonymen qatar Soltústik Qazaqstanda - 4, Pavlodar oblysynda - 11 jáne Aqmola oblysynda 12 balaǵa Naýryz esimi berilgen.
Búgingi tańda Nur-Sultanda - 20, Almatyda - 30, jáne Shymkentte - 63 Naýryz esimdi bala turyp jatyr.
Eń qyzyǵy, Qazaqstanda Naýryzdan bólek Naýryzbek, Naýryzbaı, Naýryzǵalı, Naýryzgúl, Naýryzhan esimderi de kezdesip jatady.
Budan bólek, bıyl 53 qazaqstandyqqa túbiri Naýryz sózi bar esim qoıylǵan.
