«Saǵat 20:30 shamasynda Mýrmansk oblysy Belokamenka aýylynyń janyndaǵy Iritonnajdy teńiz qurylymdary ortalyǵynyń qurylys alańdarynyń birinde vahtalyq jumysshylardyń, sonyń ishinde Qazaqstan Respýblıkasy azamattarynyń qatysýymen jappaı tóbeles boldy.
Oqıǵa turmystyq sıpatqa ıe. Kompanııa ókilderiniń aıtýynsha, qazirgi tańda másele sheshilip, qyzmetkerler qalypty rejımde jumys istep jatyr. Qolda bar málimetterge sáıkes, jaraqat alǵandar men quqyq qorǵaý organdary ustap alyp ketken adamdar arasynda qazaqstandyqtar joq», dedi Qazaqstan Respýblıkasy Syrtqy ister mınıstrliginiń resmı ókili Aıbek Smadııarov.