Keshe Qazaqstannyń aýmaǵyna Germanııa, Italııa, Maldıv Respýblıkasy, Koreıa Respýblıkasy, BAÁ, Mysyr, Túrkııa, Monǵolııa, Reseı Federasııasy, Belarýs Respýblıkasy, Tájikstan, О́zbekstan jáne Qyrǵyzstannan 42 halyqaralyq áýe reısi qondy.
5 176 áýe jolaýshylarynyń ishinde PTR-testileýdiń teris nátıjesi bar anyqtamamen 5 133 adam, anyqtamasyz 43 QR azamaty boldy. Sonyń ishinde Almaty qalasynyń áýejaıyna – 22 reıs, 2 813 jolaýshy, anyqtamamen – 2 781, anyqtamasyz – 32;
Nur-Sultan qalasynyń áýejaıyna – 7 reıs, 727 jolaýshy, anyqtamamen – 716; anyqtamasyz – 11;
Shymkent qalasynyń áýejaıyna – 9 reıs, barlyq 1 115 jolaýshy anyqtamamen;
Aqtaý qalasynyń áýejaıyna – 3 reıs, barlyq 471 jolaýshy anyqtamamen;
Oral qalasynyń áýejaıyna – 1 reıs, barlyq 50 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik stasıonarlarda óz nátıjelerin kútip otyr. Al anyqtamasyz kelgen 32 QR azamatynyń PTR-taldaý nátıjeleri boıynsha eki jolaýshydan koronavırýs ınfeksııasy anyqtaldy. Onyń ishinde bir jolaýshy Ystanbul – Almaty reısimen, ekinshi jolaýshy Kıev – Nur-Sultan reısimen ushyp kelgen.
