«Sheteldikterge qatysty másele boıynsha Prezıdent barlyq jaýapkershilikti moınyna aldy. Jer sheteldikterge jalǵa da berilmeıdi, satylmaıdy da. Bárimiz qoldaımyz. Sol arqyly komıssııanyń bir úlken jumysy sheshildi dep oılaımyn. Taǵy bir másele - bizdiń azamattarǵa jekemenshikke aýyl sharýashylyǵy jerlerin berý. Bul negizgi máselelerdiń biri. Jeke ózim aýyl sharýashylyǵy jerlerin jekemenshikke berýge qarsymyn. Qarsy bolatyn sebebim, azamattardyń 99 paıyzy aýyl sharýashylyǵy jerin ıelenbegen. Kezinde jer bólingende basy-qasynda bolmaǵan, oǵan qyzyqpaǵan. Sol azamattardyń 99 paıyzy jer máselesine aralasýy tıis», dedi komıssııanyń birinshi otyrysynda Murat Ábenov.
Sondaı-aq qoǵam belsendisi jalǵa jer berý naryǵyn damytý qajettigin atap ótti.
«Kóp elde jerdi jalǵa berý naryǵy bar. Jyldan-jylǵa baǵasyn belgilep otyrady jáne azamattar jalǵa berý arqyly tabys taýyp otyr. Menińshe bul kóp memlekette qoldanystaǵy tıimdi júıe. Bizge de sony paıdalanýǵa bolady», dedi M. Ábenov.
