Elordada 24 naýryzdan 25-ine qaraǵan túni karantın rejımin buzǵan 5 mekeme anyqtaldy.
Esil aýdanynda «VZletnyı» resto-bary men «Shıshka» laýndj-bary shekteýlerge qaramastan tıisti rejımdi buza otyryp jumys istedi.
Mobıldi top osyǵan uqsas buzýshylyqty Almaty aýdanynda ornalasqan «WEST» kompıýterlik klýbynda tirkedi.
Sonymen qatar, saǵat 00.00-den keıin Saryarqa aýdanyndaǵy «Sreda» resto-bary men «Red House» monsha kesheni kelýshilerge qyzmet kórsetti.
Elordanyń bas sanıtarlyq dárigeriniń qaýlysynda jazylǵan shekteýlerdi «Mıata»laýndj-bary, sondaı-aq Baıqońyr aýdanynda ornalasqan kafelerdiń biri saqtamaǵan.
Jınalǵan materıaldar QR ÁQBtK-niń 425-babyna sáıkes ákimshilik sharalar qabyldaý jáne tártip buzýshylardy jaýapkershilikke tartý úshin sanıtarlyq-epıdemıologııalyq baqylaý basqarmasyna joldandy.
Aıta keteıik, elordada koronavırýs boıynsha epıdemıologııalyq jaǵdaı turaqsyz bolyp otyr. Nur-Sultan 10 naýryzdan bastap epıdemıologııalyq jaǵdaı boıynsha «qyzyl» aımaqqa endi. Qala turǵyndary men qonaqtaryna adam kóp jınalatyn oryndarǵa barmaýdy, maska rejımin, áleýmettik qashyqtyqty jáne basqa da sanıtarlyq normalar men talaptardy saqtaýdy keńes etedi.
