«Búginde elimizde eńbek etetin aýyl sharýashylyǵy taýarlaryn óndirýshilerdiń qarasy kóp. Aýyl sharýashylyǵyn júrgizýdiń zamanýı ádisterin qoldanyp, onyń tıimdiligin arttyrýǵa tyrysqan fermerler de jeterlik. Biraq jermen jumys isteý kerek. Tek sonda ǵana nátıjege jetýge bolady. Qazaqstanda jer óte qunarly. Onyń mol ónim berýge múmkinshiligi jeterlik. Alaıda, jerdiń áleýeti áli tolyq ashylǵan joq. Mysalǵa, Qazaqstan aýyl sharýashylyǵynyń JIО́-degi úlesi 5 paıyz ǵana. Al bul kórsetkish Belarýste 8, Ýkraınada 12, О́zbekstanda 30 paıyzdy quraıdy. 1990 jyldary Qazaqstannyń aýyl sharýashylyǵy úlesi IJО́-niń 34 paıyzyn quraǵan edi. Mundaı jaıttyń oryn alýynyń basty sebebi jerdiń utymsyz paıdalanýy bolyp otyr», dedi ol.
Sondaı-aq «Olja Agro» bas dırektory qazaqstandyqtarǵa jerdi jekemenshikke berý máselesine qatysty pikir bildirdi.
«Bul erekshe jan-jaqty qarastyrýdy qajet etetin mańyzdy másele. Sondyqtan sheshim qabyldaýda asyǵystyq tanytpaǵan jón. Kásipkerler jaýapkershilikti óz moınyna alýdy úırenýi qajet. Jekemenshikke jer alǵan kásipkerler qol qýsyryp otyrmaı, el men halyqtyń ıgiligi úshin jumys isteýi kerektigin, jerdiń áleýetin barynsha ashý úshin aıanbaı ter tógý kerek ekenin jiti túsinýi tıis. Jalpy alǵanda aýyl sharýashylyǵy jerlerin berýdiń eń tıimdi ári pármendi is-sharasy – uzaq merzimdi jalǵa usyný. Sebebi, jerdi paıdalanyp júrgen fermerler úshin ony uzaqmerzimdi jalǵa alý men jekemenshikke alýdyń esh aıyrmashylyǵy joq», dedi Aıdarbek Qojanazaruly.
