Bir kún buryn elordada jaýǵan qar mólsheri aılyq normadan asyp ketti. Nur-Sultan qalasynda qar kúreý jumystaryn júrgizý keshki jáne túngi ýaqytta, eki aýysymda qarqyndy júrgiziledi.
24 naýryzdan 25-ine qaraǵan túni qaladan 54 myń tekshe metrden astam, táýligine 111 myń tekshe metrden asa qar shyǵaryldy. Qardy kúreýge 1200-den astam arnaıy tehnıka men 200-den astam jol jumysshy shyqty.
Búgin Nur-Sultanda qar kúreý jumystaryna 2000-ǵa jýyq jol jumysshy men 1500-ge jýyq arnaıy tehnıka jumyldyryldy.
Birinshi kezekte, ereje boıynsha, joldarda keptelis bolmaýy úshin qozǵalysy óte qarqyndy ýchaskeler tazartylady. Odan ári ortasha qarqyndy ýchaskeler – alańdar, vokzal mańyndaǵy aýmaqtar, trotýarlar jáne t.b. aýmaqtardyń qary kúreledi.
Jınalǵan qar elordadaǵy 11 polıgonǵa shyǵarylady. Polıgondarda baqylaý úshin foto jáne beınekameralar ornatylǵan.
Qysqy kezeńniń basynan beri qaladan 4 600 000 tekshe metrden astam qar shyǵaryldy.
