Atalǵan kezeńde elimizdiń qutqarýshylary 1 722 adamdy, onyń ishinde 230 balany qutqardy. 1129 adam, onyń ishinde 116 bala evakýasııalandy. 108 jylytý pýnkti jumyldyryldy. Qar qursaýynan 1 300-den astam tehnıka shyǵaryldy.
Avarııalyq-qutqarý jumystaryna TJM, IIM, jergilikti atqarýshy organdar men jol qyzmetterinen 10 557 adam jáne 5 245 birlik tehnıka jumyldyryldy.
Eń kúrdeli jaǵdaı elimizdiń soltústik jáne ortalyq bóliginde, Almaty oblysynyń «Úsharal-Dostyq» avtojolynyń ýchaskesinde oryn aldy. Jyl saıyn qysqy kezeńde aýa-raıy nashar bolǵan kezde osy ýchaskede 100-den astam júk jáne jeńil avtomobıl qar qursaýynda qalady.
Tek 2020 jyldyń qarasha aıynan bastap 2021 jyldyń aqpan aıyna deıingi kezeńde joldyń atalǵan ýchaskesinde qar qursaýynan 490-ǵa jýyq adam qutqarylyp, evakýasııalandy jáne 200 birlik tehnıka shyǵaryldy.
Aýa raıynyń qolaısyzdyǵynan zardap shekken halyqty qutqarý boıynsha avarııalyq-qutqarý jumystary 12 saǵattan astam ýaqytqa sozylatyn kezder de kezdesedi, al keıbir jaǵdaılarda birneshe táýlikke jetedi.
Qar qursaýynyń sebebi - ońtústik-batystan soqqan qatty jel jáne joldyń osy ýchaskesinde qar ustaıtyn qalqandardyń bolmaýy.
TJ jáne oqıǵalar qaýpi týraly halyqty eskertý maqsatynda halyqtyń uıaly telefondaryna aýa raıynyń nasharlaýy týraly 3 896 SMS-habarlama, «Dármen» mobıldik qosymshasy arqyly 1 265 habarlama jiberildi.
Aldyn ala jasalǵan eskertýlerge qaramastan, adamdar eldi mekenderden tys jerlerge shyǵyp, qar qursaýynda qalyp qoıyp jatty.
Máselen, 2021 jylǵy 16 qańtarda Almaty oblysy Kerbulaq aýdanynda «Saryózek-Kóktal» respýblıkalyq mańyzy bar avtojolynda qar qursaýynan 80 adam, onyń ishinde eki balasy bar júkti áıel qutqaryldy. Qatty jelden osy joldyń 15 jáne 40 shaqyrymyndaǵy ýchaskeni qar basyp, saldarynan jolaýshylary bar avtokólikter qar qursaýynda qalyp qoıdy. Bul týraly Almaty oblysynyń TJD habarlady. Birinshi kezekte qutqarýshylar aı-kúni tolǵaly júrgen júkti aıynda áıeldi qar qursaýynan evakýasııalady, ol eki balasymen Tasyózek aýylynan Almaty qalasyna bara jatqan bolatyn. Qutqarýshylar áıel men balalardy Saryózek kentinde turatyn týystaryna jetkizdi. Jol qyzmetteriniń qyzmetkerlerin, áskerı qyzmetshilerdi jáne jergilikti atqarýshy organdardy jumyldyra otyryp avtojoldardy tazalaý jáne turyp qalǵan avtomashınalardy súırep shyǵarý jumystary júrgizildi. Keıinnen avtokólikter óz baǵyty boıynsha qozǵalysty jalǵastyrdy. Saǵat 16.30-da jol qardan tazartyldy.
2021 jylǵy 25 aqpanda Qaraǵandy oblysynda daýyldy eskertý jarııalandy. Aýa raıynyń qolaısyzdyǵyna baılanysty barlyq avtojoldarda kólik qozǵalysy jabyldy. TJ departamentiniń, 52859 áskerı bóliminiń, Apattar medısınasy ortalyǵynyń bólimsheleri joldarda 79 adamdy, onyń ishinde 7 balany qutqardy. Qutqarý jumystarynyń biri Shet aýdanynda júrgizildi. Qyzylqoı aýyly aýdanyndaǵy «Almaty-Ekaterınbýrg» avtojolynda qar qursaýynda toqtap qalǵan jedel medısınalyq járdem avtomobıli men jeńil avtokólikten 9 adam qutqaryldy. Qutqarylǵandardyń ishinde eki naýqas: ınfarkt alǵan er adam jáne bosanǵaly júrgen júkti áıel jol talǵamaıtyn kólikpen Qaraǵandy qalasyna jetkizildi.
Buhar Jyraý aýdanynda «Qaraǵandy-Aıagóz-Buǵaz» avtojolynyń 52 shaqyrymynda, Botaqara kentinen 5 shaqyrym jerde TJD qutqarýshylary qar qursaýynda qalǵan avtokólikterden 37 adamdy, onyń ishinde 2 balany qutqardy. Adamdar Qaraǵandy qalasyna jetkizildi.
2021 jylǵy 11 naýryzda Qaraǵandy oblysy TJD qutqarýshylary QR TJM 52859 áskerı bóliminiń kúshterimen birlesip Osakarov, Buqar Jyraý, Jańaarqa, Abaı aýdandarynyń, sondaı-aq Qaraǵandy jáne Temirtaý qalalarynyń qar basqan trassalarynan adamdardy evakýasııalaý boıynsha jumystar júrgizdi. Osylaısha 87 adam qutqaryldy jáne evakýasııalandy.
2021 jylǵy 13-15 naýryz aralyǵynda Shyǵys Qazaqstan oblysynda qar qar qursaýynan 164 adam, onyń ishinde 9 bala qutqaryldy, 63 birlik tehnıkany súırep shyǵarýǵa kómek kórsetildi. Adamdar Tarbaǵataı, Kókpekti, Kúrshim, Qatonqaraǵaı aýdandary men Altaı qalasyna aparatyn tas joldarda qar qursaýynda qalǵan bolatyn.
