Belgili bolǵandaı, bala páterde eki táýlik boıy ash otyrǵan. Sóıtse, anasy О́skemen qalasyna súıiktisine ketken. Oblystyq polısııa departamentine qaladaǵy kópqabatty úılerdiń biriniń turǵyny kórshi páterde balanyń jalǵyz qalǵany týraly habardar etken.
Fatıma Ahmetjanovanyń aıtýynsha, áıeldi páterde balanyń jalǵyz qalyp, ash otyrǵany ýaıymdatpaǵan kórinedi. Dereý iske kóshken TJ qyzmetkerleri qulypty buzyp, artynsha balanyń qalada ájesi bar ekeni anyqtalǵan. Biraq anasy keter aldynda qyzyn nelikten ájesine qaldyryp ketpegeni kóńilge kúdik uıalatady. Polısııa ókilderi qyzdy ájesine qolhatpen tapsyrdy.
Atalǵan derekter boıynsha balasyna nemquraıdy qaraǵan anaǵa qatysty QR ÁQBtK-niń 127-baby boıynsha ákimshilik is qozǵaldy.
«Buǵan deıin kámeletke tolmaǵan balanyń anasy QR ÁQBtK-niń 127-baby boıynsha kámeletke tolmaǵan balanyń tárbıesi men bilim berý, quqyqtary men múddelerin qorǵaý jónindegi mindetterin oryndamaǵany úshin ákimshilik jaýapkershilikke tartylǵan bolatyn. Biraq odan sabaq almaǵan», dep habarlady polısııa ókilderi.
Odan ózge, áıeldiń minez-qulqy kámeletke tolmaǵandardyń isteri jáne olardyń quqyqtaryn qorǵaý jónindegi komıssııanyń otyrysynda qaralady. Onda bala anasynyń qolynda qala ma, joq pa belgisiz.
