Kásipkerlik sýbektileriniń karantındi buzýyna jol bermeý jónindegi mobıldi toptar kúsheıtilgen rejımde jumys istep jatyr. Osyǵan qaramastan keıbir mekemeler bas sanıtarlyq dárigerdiń qaýlysynda jazylǵan talaptardy elemeı otyr. О́tken túnde, ıaǵnı 26 naýryzdan 27-sine qaraǵan túni mobıldi toptar qalanyń tórt aýdanynda karantın rejımin buzǵan 10-ǵa jýyq mekemeni anyqtady. Olardyń qatarynda Saryarqa aýdanyndaǵy «Nırvana» túngi klýby saǵat 23.00-den keıin de jumys istedi. Al Bas sanıtarlyq dárigerdiń qaýlysynda 22.00-ge deıin jumys isteýine ruqsat etilgen. Osyǵan uqsas zańbuzýshylyqqa «Asiatiq» meıramhanasy da jol berdi, al «Adagio» karaoke-bary jumys isteýine tyıym salynǵanyna qaramastan kelýshilerge qyzmet kórsetken. Eki mekeme de Esil aýdanynda ornalasqan. Almaty aýdanynda ornalasqan tórt birdeı qoǵamdyq tamaqtaný nysany belgilengen jumys rejımin buzdy. Máselen, «Ponaehalı», «Do ýtra» barlary, «Zına» meıramhanasy, «Shah» kafesi bar. Baıqońyr aýdanynda ornalasqan «Shashlykoff» dámhanasy men «Ryba moeı mechty» karaoke zaly da karantın rejımin buzdy. Tártip buzýshylarǵa qatysty ákimshilik sharalar qabyldaý jáne olardy jaýapqa tartý úshin materıaldar sanıtarlyq-epıdemıologııalyq baqylaý basqarmalaryna jiberildi. Aıta keteıik, epıdemıologııalyq ahýaldyń turaqsyzdyǵyna jáne elordanyń «qyzyl» aımaqta bolýyna baılanysty 10 naýryzdan bastap Nur-Sultanda karantın talaptary kúsheıtilgen bolatyn. Qala turǵyndary men qonaqtaryna, sondaı-aq kásipkerlik sýbektilerine sanıtarlyq normalar men karantın rejıminiń talaptaryn qatań saqtaý talap etiledi.
