Is-sharaǵa Qyrǵyz Respýblıkasynyń Jogorký Kenesh depýtaty G.Asylbaeva, QR Mádenıet, aqparat, sport jáne jastar saıasaty mınıstriniń orynbasary I.Baltashev, Qazaqstan Respýblıkasynyń Qyrǵyz Respýblıkasyndaǵy Elshiliginiń keńesshi-ýákili A. Toekın, Qyrǵyzstandaǵy qazaq dıasporasynyń ókilderi jáne jalpy jurtshylyq qatysty.
Kitaptyń qyrǵyz tilindegi nusqasy buryn qazaq jazýshysy O.Súleımenovtiń ataqty «Az ı Iа» kitabyn qyrǵyz tiline aýdarǵan Izılıa Rahımovanyń aýdarma eńbeginiń, sondaı-aq «Blue Sky» qoǵamdyq qaıyrymdylyq qorynyń qoldaýynyń arqasynda múmkin boldy.
I. Rahımovanyń aıtýynsha, bul aýmaqty da jankeshti jumys boldy, degenmen is júzinde qazirgi ádebı qyrǵyz tiline beıimdele aýdaryldy. Aýdarý jumysyna eki jyldaı ýaqyt ketken.
Muhtar Áýezovtiń «Abaı joly» roman-epopeıasy qazaq jazba ádebıetiniń negizin qalaýshy, fılosof jáne aǵartýshy Abaı Qunanbaevtyń ómiri men shyǵarmashylyǵy týraly 1942-1956 jyldary tórt tom bolyp qazaq tilinde jarıaılandy. «Abaı joly» romanynyń qyrǵyz tilindegi sońǵy basylymy T.Sývanberdıevtiń aýdarmasymen 32 jyl buryn 1989 jyly jaryq kórgen. Al kitaptyń qazirgi zamanǵy aýdarmasy qazirgi qyrǵyz tildi oqyrmanǵa qol jetimdi ári jeńil oqylýy maqsatynda jasalǵan.
