Aımaqtar • 28 Naýryz, 2021

Aqtóbe oblysy «sary aımaqta» tur

83 ret kórsetildi

Koronavırýs ınfeksııasynyń taralýy boıynsha  22 naýryzdan  bastap «sary» aımaqqa kirgen Aqtóbe oblysynda kún sanap ınfeksııa juqtyrǵandar qatary kóbeıip keledi, dep habarlaıdy Egemen.kz Oblystyq sanıtarııalyq- epıdemıologııalyq departamenttiń málimetine súıene otyryp.

27 naýryz kúni bir táýlikte KVI-men aýyrǵan 62  naýqas tirkeldi. Onyń ishinde aýrý sımptomdary bar – 42 (Aqtóbe qalasy – 38, Mártók aýdany - 1, Oıyl aýdany – 3), sımptomsyz – 20 (Aqtóbe qalasy – 16, Qobda aýdany - 1, Mártók aýdany - 1, Oıyl aýdany – 1, Shalqar aýdany -1) jaǵdaı anyqtaldy. Osylaısha qazirgi kezde oblysta aýrýshańdyqtyń ósý deńgeıi 1,3%-dy qurady.

О́tken jyly Aqtóbe oblysynda  koronavırýs  ınfeksııasy tuńǵysh ret 27 naýryzda Egıpetten charterlik reıspen ushyp kelgen jigitten anyqtalǵan edi. Sol ýaqyttan bastap osy kezge deıin óńirde  KVI-men aýyrǵan 5020 naýqas tirkeldi, onyń ishinde 54,7%-y aýrý belgilerimen (2746) jáne 45,2%-y sımptomsyz (2274) jaǵdaı. 4488 (89,4%) naýqas jazylyp shyqty.

Jalpy tirkelgen 5020 naýqastyń 3,1% -y (157) syrttan ákelingen, 16,5%-y (830) aýrý adammen qarym-qatynasta bolǵandar, 80,3% (4033) jergilikti jaǵdaılar, onyń ishinde 30%-y (1210) profılaktıkalyq maqsatta tekserilgender. Qazirgi tańda 941 turǵyn úı karantınge alynyp, olarǵa medısınalyq baqylaý júrgizilýde.

«Qaýip seıilgen joq. Sondyqtan barshańyzdy betperde taǵýǵa, qoldy jıi jýyp, antıseptıkterdi paıdalanýǵa, áleýmettik qashyqtyqty saqtaýǵa shaqyramyn. Túrli merekelik is-sharalardy, sonyń ishinde toılar men otbasylyq jıyndardy ótkizýge tyıym salynǵanyn oblys turǵyndaryna taǵy da eskertemiz», dedi óńirlik kommýnıkasııalar qyzmetinde ótken brıfıngte  sanıtarııalyq-epıdemıologııalyq baqylaý departamentiniń basshysy Nursulý Berkimbaeva. 

Qazirgi kezde karantındik sharalardy saqtaýdy  baqylaıtyn monıtorıng toptar jumystaryn kúsheıtti. Monıtorıngtik toptar kómegimen sońǵy eki kúnniń ishinde on shaqty toıhana men kafede adamdar kóp shoǵyrlanǵan jıyndar toqtatylyp, toıhana ıelerine iri kólemde aıyppuldar salyndy. Árbir azamat betperde taǵyp, áleýmettik araqashyqtyqty saqtaý jáne kópshilik jınalǵan jerlerden aýlaq bolý arqyly ınfeksııanyń taralýyn azaıtýǵa kómektesetinin túsingeni abzal. Byltyrǵy jaǵdaı qaıtalanbas úshin bárimiz de erekshe saqtyq sharalaryn saqtaýymyz kerek.

Sońǵy jańalyqtar

Uqsas jańalyqtar