Sondaı-aq jobaǵa qatysqan tórt kelinshek turaqty eńbekaqysy bar tiginshilik jumysqa ornalasty. 13 áıel jeke kásipker retinde tirkelip, óz isterin ashsa, kóp balaly úsh áıelge tiginshilik qural-jabdyqtardy satyp alýǵa qaıtarymsyz grant berildi.
Jobanyń negizgi sharty boıynsha áleýmettik jaǵynan az qamtylǵan otbasylardyń qyz-kelinshekteri qolóner, tiginshilik kýrstaryn aıaqtaǵan soń birden tabys tabýy tıis bolatyn. О́tken jyldyń naýryzynda áleýmettik jobanyń bastalǵany týraly habarlandyrý jarııalanǵan boıy oǵan qatysýǵa tilek bildirgen qyz-kelinshekter tiginshilik pen qoldanbaly óner boıynsha sheberlik sabaqtarymen qosa bıznes júrgizýdiń qyr-syryn da oqı bastady. Osyndaı naqty qoldaýdyń arqasynda buryn ataýly áleýmettik járdemaqydan basqa tabys kózi joq birneshe aqtóbelik áıel kásipkerliktiń qyr-syryn meńgerýge kiristi.
«Atameken» óńirlik kásipkerler palatasynyń dırektory Sulýpan Shyntasova, joba qatysýshylary úshin aspazdyq sheberlik sabaǵyn uıymdastyrǵan «Taksım» JShS basshysy Kúlshat Masalımova, «Samal_cakes» JK basshysy Samal Asanova oqý kýrstaryn aıaqtap, óz isterin bastaǵan joba qatysýshylaryna aqyl-keńesterin aıtyp, tájirıbelerimen bólisti. Bir jyl boıy tiginshilikti meńgerip, qazir jeke tapsyrystardy qabyldaı bastaǵan Shalqar aýdanynan kelgen kóp balaly ana Almagúl Seıitova uıymdastyrýshylarǵa alǵysyn bildirdi.
Jaqynda osy joba aıasynda aspazdyq kýrstar da ashyldy. Jıyn sońynda dámdi taǵamdar ázirleýdiń qyr-syryn úırenip jatqan 30 kelinshekke nan ónimderin pisiretin peshter tabys etildi. Aıta ketý kerek, ótken jyly Aqtóbe oblysynda 298 kóp balaly ana qysqa merzimdi kásibı daıyndyq kýrstarynda oqyp, 514 kóp balaly jáne az qamtylǵan otbasy analarynyń árqaısysy 555,6 myń teńge kóleminde qaıtarymsyz grant alyp, kásipterine qajetti qural- jabdyqtardy satyp alǵan.
Aqtóbe oblysy
