Jaqynda Kazakh Tourism ulttyq kompanııasy men Mental HR Consultancy túrik kompanııasy salanyń kásibı mamandaryn daıarlaý jáne eńbek resýrstarynyń básekege qabilettiligin arttyrý máseleleri boıynsha yntymaqtastyq týraly memorandýmǵa qol qoıdy.
«О́zderińiz biletindeı, naryqta bilikti kadrlar tapshylyǵy oryn alsa, ásirese kásibı daıyndalǵan jelilik qyzmetkerler bolmaǵan kezde, týrızmdi sapaly damytý múmkin emes», dep habarlaıdy Ulttyq kompanııanyń Basqarma tóraǵasy Erjan Erkınbaev.
Týrızmdi qarqyndy damytý úshin eki negizgi quramdas bólik bar: eldiń geografııalyq erekshelikterin eskere otyryp, birinshisi – bul ınfraqurylym men kommýnıkasııalar. 2019 jyly qabyldanǵan týrıstik salany damytýǵa arnalǵan memlekettik baǵdarlama aıasynda búginge deıin jalpy somasy 61,1 mlrd teńge quraıtyn 55 joba iske asyryldy. Ekinshisi – salanyń quzyreti. Memleket tarapynan Mádenıet jáne sport mınıstrligi kadrlyq áleýetti damytý máselelerine úlken kóńil bólip keledi. Mamandar daıarlaıtyn alǵashqy beıindik Halyqaralyq týrızm jáne qonaqjaılyq ýnıversıteti ashylǵany belgili.
«О́tken jyly academy.tourismonline.kz platformasy ózin jaqsy dáleldegenin atap ótkim keledi, munda árkim sapaly teorııalyq daıyndyqty ala alady. Bıyl biz kásibı spıkerlerdi kóptep tarta otyryp, jańa oqytý modýlderin jasaýdy jalǵastyramyz. Sondaı-aq osy jyly biz óńirdiń oqý oryndarynyń bazasynda Mańǵystaý týrızm salasy úshin jergilikti turǵyndar qatarynan jelilik 1500 adamdy oqytý boıynsha synamaly jobany iske asyrýdy josparlap otyrmyz», dep qorytyndylady sózin Erjan Erkinbaev.
Mental HR Consultancy túrik kompanııasy bıznes sýbektileri men Qazaqstan Respýblıkasynyń memlekettik organdarynyń jelilik jáne basqarý qyzmetkerlerin oqytý máselelerinen basqa, ınvestısııalar tartý jáne týrıstik sektordy sıfrlandyrý sııaqty baǵyttar boıynsha yqpal etedi.
