Foto: Turar Qazanǵapov
«Bizdiń fýtboldaǵy kezekti oqys oqıǵa. Qazaqstan quramasynyń shtabyndaǵy birneshe adam koronavırýs juqtyrdy. Anyǵyn aıtsaq, áńgime jattyqtyrýshy Sergeı Kalıýbın (ol keshegi oıynda qosalqy quram qatarynda otyrǵan joq) jáne komanda úılestirýshisi Maksım Shaýbert týraly bolyp otyr. Endi kimniń oqshaýlanyp, kimniń Kıevke baratyny belgisiz. Olarmen jattyqtyrýshylar quramy, úılestirýshi top, tipti oıynshylar da baılanysta boldy ǵoı» deıdi Aıdyn Qojahmet.
Al Baigenews.kz saıtyna pikir bildirgen QFF baspasóz qyzmetiniń jetekshisi bul aqparatty joqqa shyǵardy.
«Fransııamen match aldynda Sergeı Kalıýbın aýyryp qaldy. Koronavırýs emes, oǵan jaı ǵana sýyq tıgen. Al Maksım Shaýbert otbasylyq sebeptermen bir apta buryn demalys alǵan», deıdi Ermuhamed Máýlen.
Esterińizge sala keteıik, kúni keshe Nur-Sultan qalasyndaǵy «Astana Arena» kesheninde Qazaqstan quramasy 2022 jylǵy álem chempıonaty irikteý oıyndarynyń birinshi kezdesýin Fransııaǵa qarsy ótkizip, 0:2 esebimen jeńilgen edi. Ýkraınaǵa qarsy matchty Qazaqstan quramasy 31 naýryzdan 1 sáýirge qaraǵan túni Nur-Sultan ýaqytymen saǵat 00:45 te syrt alańda ótkizetin bolady.
