Aımaqtar • 30 Naýryz, 2021

«Baıanaýyl RUNNERS» marafonshylary márege jetti

52 ret kórsetildi

Aýdan ortalyǵyndaǵy áýesqoılar jeńil atletıka klýbynyń músheleri 76 shaqyrymdyq marafon uıymdastyrdy. Maqsat – sporttyq shara ótkizý arqyly nashaqorlyqtyń aldyn alý, jastardyń boıynda esirtkige qarsy tura alatyn berik ımmýnıtet qalyptastyrý qajettigin júgirý arqyly kórsetý.

Sýretti túsirgen Elaman Áshim

Marafon qatysýshylary eki qashyq­tyq­ty tańdady. Qatysýshylar jarys jo­lyna tańǵy 7:00-de Baıanaýylǵa kire­be­ris joldaǵy stella aldynan at­tan­dy. Júgirý marafony «Baıanaýyl – Jasybaı – Toraıǵyr, Toraıǵyr – Ja­sybaı – Baıanaýyl – Áýlıebulaq – Toraıǵyr aýy­ly­na kireberistegi burylys – res­pýb­lı­kalyq Baıanaýyl – Pavlodar avtojoly boıy baǵytyndaǵy qashyqtyqqa arnaldy.

Klýb músheleri, aýdan sportshylary Nursultan Birlik, Tańat Berdalın, Nurjan Aıtmaǵambetov, Oljas Kákim­ja­nov uıymdastyrǵan mara­fon­ǵa baıanaýyl­dyq jastardyń bastamasyn qol­­dap, Pav­lo­dar qalasynan 59 jastaǵy Ev­genıı Be­lov, Aqsý qalasynan Sergeı Hıhlýha, Shy­ǵys Qazaqstan oblysynyń Besqaraǵaı aýda­nynan Arman Ázimjanov se­kildi sport­shylar da keldi.

Evgenıı Belov, Arman Ázim­janov, Nursultan Birlik pen Oljas Kákimjanovtar 76 shaqyrymdy tolyq júgirip ótti. Nursultannyń aıtýynsha, olar marafon barysynda 50 shaqyrymnan keıin aıaldaý beketine toqtaǵan. Sál úzi­listen keıin, sýsyn iship áldenip, azdap qı­­myl jattyǵýlaryn jasaǵan. Úzilisten keıin Evgenıı Belov pen Nursultan Bir­lik, Baıanaýyl aýyldaryndaǵy «Máń­gi­lik alaý­ǵa» kelip taǵzym jasady.

– Júgirý barysynda bizge sýyq jel de, jaýǵan jańbyr da sonshalyqty kedergi bolmady. Internetten áıgili marafonshy, jerlesimiz Marat Jylanbaev jaıly derekti fılm kórip, jigerlenip aldyq. Aýyl jastaryna bos ýaqytty sportqa, jattyǵýlarǵa arnaıyq degimiz keledi. Al­daǵy ýaqytta da aýdanda ártúrli sport ja­­rys­taryn ótkizý jalǵasady, – deıdi Nursultan.

Qatysýshylar marafonda, túski úzilis­ti qospaǵanda, 10 saǵat ýaqyt júgirdi. Ol keshki saǵat 19:00-de aıaqtaldy. Bar­lyq qatysý­shylar júgiristi eshqandaı jara­qat­­syz, oqys oqıǵasyz ótkizgenderine qýa­­nyshty ekenderin aıtyp, bir-birin qut­tyqtady.

Márege jetken marafon qatysý­shy­la­ryn aýdandyq Qorǵanys isteri bóliminiń basshysy, podpolkovnık Asyl Shadıev, sport ardageri, aýdandyq ortalyq sta­dıon­ dırektory Ábdihamıt Suńqarbekov ma­­rapattady. Uıymdastyrýshylar Evgenıı Belovqa aýdan jastary atynan sha­­pan jaýyp, qurmet kórsetti.

Al oblystyq Polısııa departamenti sport­tyq shara ótkizý arqyly nashaqor­lyqtyń aldyn alý, jastardyń boıynda esirt­kige qarsy tura alatyn berik ımmýnıtet qalyptastyrýdy júgirý arqyly kór­setken marafonshy jastardy Alǵys hat­tarmen marapattady.

 

Pavlodar oblysy,

Baıanaýyl aýdany

Sońǵy jańalyqtar

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Ǵalymdar muǵalimderge keńes berdi

Ǵylym • Búgin, 08:48

Balalarǵa ekzoskelet áperedi

Medısına • Búgin, 08:43

El damýynyń bolashaǵyna arnaldy

Qazaqstan • Búgin, 08:36

Uqsas jańalyqtar