Taıaýda ol daýysy Ulytaýdy meken etetin ular qustyń únine uqsaıtyn sazsyrnaı jasap shyǵardy. Sheber bul mýzykalyq aspaptyń birnesheýin Ulytaý taýlaryndaǵy arshalarǵa ilip qoıdy. «Bulaı isteýime sazsyrnaıdyń daýysy estilse, ular qus Ulytaýyna qaıta oralar degen oı túrtki boldy», dep túsindirdi munysyn Azamat.
Aıtqandaı, arsha butaqtaryna ilingen aspaptar jeldiń lebimen ular qustyń úninen aýmaıtyn dybys shyǵaryp, tóńirekti sazǵa bólep turady eken.
Bul ıdeıany júzege asyrý úshin Azamat aldymen ular qustyń únin aýdıo taspaǵa jazyp alypty. Sonan keıin aspapty sazdan ılep jasaǵan da, únin ular qustikinen aýmaıtyndaı qylyp sáıkestendirgen. Bir ǵajaby, sheber bul aspapty tek Ulytaýdyń sazbalshyǵynan ǵana jasaýǵa bolatynyn aıtady. Áıtpese úni shyqpaıdy eken...
Músininiń ózi ular qusty eske túsiretin bul sazsyrnaıdyń Ulytaýǵa keletin týrıster úshin taptyrmaıtyn kádesyı bolatyn túri bar. Qazirdiń ózinde oǵan degen suranys óte joǵary.
О́zi sheber, ózi mýzykant Azamat Baqııanyń kolleksııasynda álem halyqtaryna jáne qazaq ultyna tıesili mýzykalyq aspaptyń myńǵa jýyq túri bar eken.
Qaraǵandy oblysy,
Ulytaý aýdany
