Shyǵys Qazaqstan oblysyndaǵy Sanıtarlyq-epıdemıologııalyq baqylaý departamentiniń bastyǵy Qanat Turdıev onlaın formatta ótken baspasóz konferensııasynda atqarylyp jatqan jumystarǵa toqtaldy. 29 naýryzdaǵy jaǵdaı boıynsha 14 jasqa deıingi 93 bala, 28 jasóspirim jáne alty eresek adam ýlanǵan. Bul 127 adamnyń 110-y Bozanbaı orta mektebiniń oqýshylary.
«Naýqastardyń dene qyzýy kóterilip, júrekteri aınyp, qusyp, ishteri ótken. О́skemendegi Ana men bala ortalyǵynyń juqpaly aýrýlar bólimine 62 bala jatqyzyldy. Qalǵandardy úılerinde dáriger baqylaýynda», dedi Qanat Turdıev.
Qanat Turdıevtiń aıtýynsha, epıdemııalyq tekserý barysynda ýlanǵandarmen baılanysta bolǵan 383 adam anyqtalǵan. Olarǵa da medısınalyq baqylaý júrgizilip jatyr.
«Qazirgi ýaqytta departament mamandary men Ulttyq saraptama ortalyǵy tekserý jumystaryn jalǵastyryp jatyr. Quqyq qorǵaý organdarymen qozǵalǵan qylmystyq is boıynsha zerthanalyq zertteýlerge tamaq ónimderiniń synamasy alyndy. Mektep karantınge jabylǵan», dedi ShQO sanıtarlyq-epıdemııalyq baqylaý departamentiniń bastyǵy.
Esterińizge sala ketsek, osyǵan deıin Shyǵys Qazaqstan oblysyndaǵy mektep oqýshylarynyń tamaqtan ýlanǵany habarlanǵan edi.
