Tasqala aýylyndaǵy «Araı» sharýa qojalyǵynyń garajynda turǵan MTZ-80 traktorynan órt shyqqany týraly alǵashqy habar 29 naýryz kúni 20 saǵat 17 mınýtta túsken eken. Tilsiz jaý tez tarap, áýeli janyndaǵy tehnıkalarǵa, sońynan búkil garaj aýmaǵy men japsarlas mal sharýashylyǵy bazasyna jaıylǵan.
«О́rttiń saldarynan jalpy aýdany 550 sharshy metr bolatyn ǵımarat aýmaǵy jáne 5 tehnıka janyp ketti. О́rt sóndirýshiler oqıǵa ornynan 70 lıtrlik gaz ballonyn shyǵaryp úlgerdi. 01 saǵat 08 mınýtta órt tolyqtaı sóndirildi. Oqıǵa ornyna oblystyq departamentten 12 qyzmetker men 3 tehnıka jáne erikti órt sóndirý qurylymynan 10 adam jumyldyryldy» dep habarlady Batys Qazaqstan oblystyq Tótenshe jaǵdaılar departamentiniń baspasóz hatshysy Bákızat Maǵzenova.
Oqıǵa ornynda qaza tapqandar men jaraqat alǵandar joq.
Aldyn ala boljamdar boıynsha órt avtokólik quralynyń tehnıkalyq aqaýynan shyqqan.
