Odaq Basqarmasynyń Tóraǵasy - Meıram Pishembaev óziniń kirispe sózinde otandyq mashına jasaý salasy qazirgi ýaqytta qarqyndy damýyn jalǵastyryp kele jatqanyn atap ótti.
Esterińizge sala keteıik, saladaǵy óndiristiń turaqty kólemin qoldaý maqsatynda Úkimet bıznes-qoǵamdastyq ázirlegen mynadaı qoldaý sharalaryn qabyldady:
- mashına jasaý salasyndaǵy kásiporyndarǵa eńbekaqy tóleý qorynan salyqtar men tólemderdi tóleýdi keıinge qaldyrý;
- nesıeler boıynsha tólemderdi keıinge qaldyrý;
- kvazımemlekettik sektordy satyp alýda óńdeýshi ónerkásip kásiporyndarymen offteık kelisimsharttar jasasý múmkindigi;
- arnaıy jáne aýyl sharýashylyǵy tehnıkasyn lızıngke satyp alýǵa arnalǵan qarajattyń tómendeýine jol bermeý;
- bıznes ahýaldy jaqsartý jáne jańa jobalardy qurý máseleleri boıynsha QR Kásipkerlik jáne Salyq kodeksterine zańnamalyq deńgeıde tolyqtyrýlar men ózgerister engizildi.
«Osy jáne basqa da qabyldanǵan sharalar oń nátıje berdi. Olar óndiris kólemin saqtap qana qoımaı, ulǵaıtýǵa da múmkindik berdi», dep atap ótti Meıram Pishembaev.
Sondaı-aq, 2020 jyly Qazaqstan mashına jasaýshylar odaǵynyń qatysýymen QR Úkimeti «О́nerkásiptik saıasat týraly» QR Zańynyń jobasyn ázirledi jáne О́nerkásipti damytý qoryn, munaı-gaz mashınasyn jasaýdy damytý jónindegi Halyqaralyq ortalyqty qurýdy maquldady, bul daǵdarystan keıingi qalpyna keltirý jáne salany odan ári damytý úshin serpin beredi. Osy sharalardyń barlyǵy otandyq mashına jasaý kásiporyndarynyń básekege qabilettiligin arttyrýǵa, óndiris kólemin saqtaýǵa múmkindik beredi jáne mashına jasaý salasynyń odan ári ósýin qamtamasyz etedi.
