Taldyqorǵan qalasynyń bas sanıtar dárigeri sáýirdiń 1-15 aralyǵynda karantın sharalaryn kúsheıtý jóninde sheshim qabyldady. Bul kúnderi oblys ortalyǵyndaǵy jumysshy sany 20-dan asatyn mekemeler men ujym qyzmetkerleriniń 70 paıyzy onlaın formatta jumys isteıdi.
Budan bólek, barlyq bilim mekemelerinde oqytý qashyqtyqtan júrgiziledi. Demalys kúnderi qatań karantın jarııalanyp, azyq-túlik pen qurylys materıaldarynan basqa taýar satatyn saýda ortalyqtary, qoǵamdyq tamaqtaný oryndary jabylady. Senbi, jeksenbi kúnderi saýyqtyrý oryndary men qoǵamdyq monsha, saýnalar, teatr men kınoteatrlar jumys istemeıdi.
«Muǵalimder men oqýshylardyń arasynda eki aıdyń ishinde 39 oqýshy koronavırýs ınfeksııasymen naýqastandy, sondaı-aq 17 muǵalim indet juqtyrdy. Sol sebepti biz mektepterdi onlaın rejımge jiberip jatyrmyz», deıdi qalanyń bas sanıtar dárigeri Ermek Ásemqulov.
